निवडणूकीत टोकाची कटुता आलेलं पवार कुटुंब एकत्र आलंय... त्याला कारण ठरलंय जय पवारांचा साखरपुडा.... या सोहळ्यात कोण कोण सहभागी झालं? आणि पुन्हा पवार कुटुंब एकत्र येणार का?

पवार कुटुंब एकसाथ

जय पवार यांचा साखरपुडा झाला. अजित पवारांच्या पुण्यातील घोटावडे येथील फार्महाउसवर हा साखरपुडा झाला. या ठिकाणी संपूर्ण पवार कुटुंब एकत्र आलं... आणि त्याला कारण ठरलंय... उपमुख्यमंत्री अजित पवारांचा मुलगा जय पवारांचा साखरपुडा....या कौटुंबिक सोहळ्याला शरद पवार, सुप्रिया सुळे, प्रतापराव पवारांसह संपूर्ण पवार कुटुंब एकत्र आलं.आणि सुप्रिया सुळेंनीही हे आनंदाचे क्षण सोशल मीडियावर शेअर केले.

एवढंच नाही तर लोकसभा निवडणुकीतील कटुता विसरुन सुप्रिया सुळे आणि सुनेत्रा पवारांनीही गप्पा मारल्याचं समोर आलंय.मात्र पवार राष्ट्रवादीच्या फुटीनंतर पहिल्याच दिवाळीला एकत्र आलेले काका-पुतण्या लोकसभा निवडणुकीआधीच्या दिवाळीला एकत्र आलेच नाहीत.यावेळी उलट अजित पवारांनी बारामतीत दिवाळीचा वेगळा कार्यक्रम घेतला.त्यामुळे पवार कुटुंबात टोकाचे मतभेद झाल्याचं बोललं जात होतं. मात्र निवडणूका संपल्या आणि पवार कुटुंबातील कटुता संपण्यास सुरुवात झाल्याची चर्चा आहे... त्याला कारण ठरलंय पवार काका-पुतण्यांच्या वाढलेल्या गाठीभेटी..

काका-पुतण्या भेटी-गाठी

12 डिसेंबर 2024

वाढदिवसानिमित्त शरद पवारांच्या दिल्लीतील निवासस्थानी पवार कुटुंब एकत्र

23 जानेवारी 2025

पुण्यातील वसंतदादा शुगर इन्स्टिट्यूटच्या वार्षिक सर्वसाधारण सभेत भेट आणि अर्धा तास बंद दाराआड चर्चा

27 जानेवारी 2025

तब्येतीची विचारपूस करण्यासाठी अजित पवारांचा शरद पवारांना फोन

22 मार्च 2025

अजित पवार आणि शरद पवार बैठकीसाठी एकत्र.

या भेटीगाठी होत असल्या तरीही हा राजकीय कार्यक्रम नसून कौटूंबिक कार्यक्रम असल्याचं सुप्रिया सुळेंनी म्हटलंय....

पवार कुटुंबाचं एकत्रित येणं हे फक्त कौटूंबिक सोहळ्यापुरतं मर्यादित राहील की यातून आगामी काळात काही नवं राजकीय समीकरण साधलं जाईल? याकडे राज्याचं लक्ष लागलंय...