मुलांना बाहेरचे चटकदार पदार्थ खायला आवडतात. पण ते त्यांच्या शरीरासाठी खूप घातक असू शकतात. मग अशा वेळेस तुम्ही त्यांना चटकदार नमकीनसारखे पदार्थ घरच्याघरी तयार करून देऊ शकता. हे पदार्थ चहासोबत किंवा इतर वेळेस खाण्यासाठी एकदम मस्त असतात. शिवाय हे नमकीन अगदी झटपट तयार होते. चला तर जाणून घेऊ रेसिपी.

नमकीन तयार करण्यासाठी साहित्य

२ बटाटे

तेल

शेंगदाणे

काजू

कढीपत्ता

मीठ

चाट मसाला

काळे मीठ

जिरेपूड

लाल तिखट

नमकीन चाट बनवण्याची कृती

सर्वप्रथम बटाटे स्वच्छ धुवून घ्या. आता बटाटे सोलून काही वेळ पाण्यात भिजत ठेवा. आता धुतलेले बटाटे कापून किंवा शेव सारखे किसून घ्या. याचा आकार थोडा जाडसर ठेवा.यानंतर सर्व काप पाण्यात ३ ते ४ वेळा धुवा. कुरकुरीत नमकीन बनवण्यासाठी हे काप दोन मिनिटे गरम पाण्यात भिजवून ठेवा आणि नंतर सर्व काप सुती कापडाने पुसून घ्या.

आता कढईत तेल गरम करून सर्व बटाट्याचे तुकडे सोनेरी होईपर्यंत तळून घ्या. आता त्याच गरम तेलात शेंगदाणे, काजू आणि कढीपत्ता तळून घ्या. यानंतर एका भांड्यात मीठ, चाट मसाला, अर्धा चमचा काळे मीठ, अर्धा चमचा जिरेपूड, दोन चमचे काश्मिरी तिखट घ्या. आता या भांड्यात कुरकुरीत बटाट्याचे मिक्स करा.

त्याच भांड्यात शेंगदाणे, काजू आणि कढीपत्ता घाला आणि सर्वकाही चांगले मिक्स करून घ्या. हे नमकीन चाखल्यानंतर तुम्ही बाजारात विकल्या जाणाऱ्या सर्व नमकीनची चव विसराल. लहानांपासून मोठ्यांपर्यंत सर्वांनाच या नमकीनची चव आवडेल.

Written By : Sakshi Jadhav