उत्तरप्रदेशातील फतेहपुर जिल्ह्यातून एक धक्कादायक घटना समोर आली आहे. आपल्या होणाऱ्या नवऱ्यासोबत फिरायला गेलेल्या एका तरुणीवर सामूहिक अत्याचार आणि मारहाण करण्यात आली आहे. या प्रकरणी कर्तव्यात कसूर केल्याचा ठपका ठेवत स्थानिक पोलीस निरीक्षकाला तात्काळ हजर केले.

मिळालेल्या माहितीनुसार, 24 एप्रिल रोजी पीडित तरुणी तिच्या होणाऱ्या नवऱ्यासोबत जात असताना ते वाटेत एका कालव्याजवळ दोघे थांबले असताना तिथे एक तरुण आला आणि त्याने आपल्या इतर दोन साथीदारांना तिथे बोलावून घेतले. तिघांनी मिळून या जोडप्याला धमकावून जवळच्या जंगलात नेले.

तिथे या नराधमाने बलात्कार केला, तर तिघांनी मिळून तिच्यावर अत्याचार करत मारहाण केली. या नराधमांनी तिचे व्हिडिओ देखील काढले. सोशल मीडियावर व्हायरल करण्याची धमकी देऊन त्यांच्याकडून 2500 रुपये उकळले. घटनेनंतर पीडित तरुणी तक्रार करण्यासाठी पोलीस ठाण्यात गेली होती, परंतु पोलिसांनी तिची तक्रार गांभीर्याने घेतली नाही. अखेर पीडितेच्या होणाऱ्या नवऱ्याने पोलीस अधीक्षक (SP) कार्यालयात धाव घेतली. एसपींच्या आदेशानंतर या प्रकरणाची चौकशी झाली आणि तक्रार खरी असल्याचे सिद्ध झाले.

या प्रकरणात तीन जणांविरुद्ध गुन्हा दाखल करण्यात आला असून दोघांना अटक करण्यात आली आहे. तिसरा आरोपी फरार झाला असून त्याच्यावर 25 हजार रुपयांचे बक्षीस जाहीर करण्यात आले आहे. या घटनेमुळे परिसरात संताप व्यक्त केला जात असून पोलीस फरार आरोपीचा शोध घेत आहेत.