हिंजवडी पोलिसांनी व्हेल माश्याच्या उलटीची तस्करी प्रकरणी दोघांना अटक केली आहे. या कारवाईत पाेलिसांनी 3 कोटी 27 लाख 60 हजार बाजारमूल्य असलेली 3 किलो पेक्षा अधिक वजनाची व्हेल माश्याची उलटी जप्त केली आहे. पाेलिस अधिक तपास करीत आहेत.

रत्नागिरीहून काही तस्कर पुण्याच्या बावधन परिसरात व्हेल माश्याची उलटी विक्रीस घेऊन आले असल्याची माहिती हिंजवडी पोलिसांना मिळाली. पाेलिसांनी तात्काळ हालचाली करत वनरक्षक सारिका दराडे यांना साेबत घेत संशयितांना पकडले. त्यानंतर पंच समक्ष संशयित आरोपी किशोर यशवंत डांगे आणि संदीप शिवराम कासार या दोघांना वन्य जीव संरक्षण कायद्या अंतर्गत हिंजवडी पोलिसांनी ताब्यात घेतले.

दरम्यान सुगंधी अत्तरामध्ये या उलटीचा वापर करण्यात येणार होता. ती पुढं कोणाला विकणार होते याबाबतचां तपास हिंजवडी पोलिस करत आहेत अशी माहिती सहाय्यक पोलिस आयुक्त गुन्हे शाखा डॉ. विशाल हिरे यांनी साम टीव्हीशी बाेलताना दिली.

Edited By : Siddharth Latkar