गाढवं पाळा, तरुण आणि श्रीमंत व्हा? गाढवाच्या कातडीपासून बनतं चमत्कारी औषध?

गाढवं पाळा आणि श्रीमंत व्हा, असा दावा करणारा मेसेज व्हायरल होतोय. गाढवाचं दूध हे अत्यंत गुणकारी असून, गाढवाच्या कातडीपासून बनवलेल्या औषधांमुळे वयोवृद्धही तरुण दिसू शकतात असा दावा करण्यात आलाय, पण, खरंच गाढवाचं दूध, त्याच्या कातडीपासून बनवलेली औषधं खरंच गुणकारी आहेत का? याची सत्यता जाणून घेण्यासाठी आमच्या टीमने पडताळणी केली. त्याआधी मेसेजमध्ये काय दावा केलाय पाहुयात.

व्हायरल मेसेज

गाढवांच्या कातड्यांमधून जिलेटिन तासनतास उकळून काढलं जातं. त्यापासून पावडर, टॅब्लेट, औषध बनवलं जातं. यामुळे रक्ताभिसरण सुधारते, प्रजनन क्षमता वाढवते आणि वृद्धत्व रोखते. हा मेसेज व्हायरल होत असल्याने अनेकांना याचीच उत्सुकता आहे की हे औषध कुठे मिळतं. खरंच गाढवाच्या कातडीपासून बनवलेलं औषध गुणकारी आहेत का? याची आम्ही पडताळणी सुरू केली.त्यावेळी याचा वापर चीनमध्ये मोठ्या प्रमाणात होत असल्याचं समोर आलं.

याची अधिक माहिती मिळवली त्यावेळी चीनला दरवर्षी 50 लाख गाढवं लागत असल्याचं समोर आलं. पाकिस्तान, आफ्रिकेतून चीन मोठ्या प्रमाणात गाढवं आयात करतो. पण, गाढवाच्या कातडीपासून खरंच चीन चमत्कारीक औषध बनवतं का? त्याबद्दल आम्ही अधिक माहिती मिळवली. त्यावेळी काय सत्य समोर आलं पाहुयात.

व्हायरल सत्य/साम इन्व्हिस्टिगेशन

चीन गाढवाच्या कातडीपासून औषध तयार करतं

चीनी संस्कृतीत सुपरफूड चमत्कारिक औषध मानलं जातं

आधी हे औषध राजघराण्यांपुरते मर्यादित होतं

आता चीनच्या मध्यमवर्गीयांमध्ये औषधाची मागणी

औषधामुळे रक्ताभिसरण सुधारते, वृद्धत्व रोखतं

चीनमध्येच नव्हे तर भारतातही गाढवांची संख्या कमी होतेय. यांत्रिकीकरणामुळे गाढवांच्या प्रजननात घट झालीय. गाढवाच्या कातडीपासून बनवलेले हे औषध इतके महागडे विकलं जातं की त्याला काळं सोनं असेही म्हटलं जातं.म्हणूनच गाढव चीनच्या अर्थव्यवस्थेचा एक महत्त्वाचा भाग ठरतोय...त्यामुळे आमच्या पडताळणीत हा दावा सत्य ठरलाय.