- अक्षय शिंदे
जालना शहरातील एका विद्यार्थ्याचे अपहरण केल्यानंतर त्याच्या पालकांकडून पाच कोटी रुपयांची खंडणी उकळण्याचा डाव पाेलिसांनी हाणून पाडला. या प्रकरणी पाेलिसांनी तिघांना अटक करुन 6 तासांत मुलाची सुटका केल्याने पाेलिसांवर काैतुकाचा वर्षाव हाेऊ लागला आहे.
जालना शहरातील कालीकृती भागामध्ये शाळेमध्ये जाणाऱ्या एका 11 वर्षीय मुलाचं मंगळवारी काही लाेकांनी अपहरण केली. त्याला एका चार चाकीतून घेऊन गेले. त्यानंतर अपहरणकर्त्यांनी मुलाच्या पालकांकडे 5 कोटी रुपयांची खंडणी मागितली.
या घटनेची माहिती मुलाच्या पालकांनी पाेलिसांना दिली. पाेलिसांनी पालकांना धीर दिला. विविध ठिकाणी पाेलिसांची पथके मुलाच्या शाेधासाठी रवाना झाली. मंगळवारी सांयकाळच्या सुमारास शहरातील मोंढा परिसरात संशयित फिरत असल्याची माहिती पोलिसांना मिळाली. पोलिसांनी तात्काळ पाठलाग करून संशयितांच्या कार समोर पाेलिस गाडी आडवी लावून संशयित आरोपींना बेड्या ठोकत मुलाची अपहरणकर्त्यांकडून सुटका केली.
दरम्यान पाेलिसांच्या या कामगिरीचे सर्वत्र काैतुक हाेऊ लागले आहे. पाेलिस दल आज (बुधवार) या संदर्भातील सविस्तर माहिती पत्रकार परिषद घेऊन सांगणार असल्याची माहिती सूत्रांनी दिली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
