आयटीआर फाइल करण्यास सुरुवात झाली आहे. अनेकांनी आयटीआर फाइल केले आहेत. याचसोबत अनेकांना रिफंडदेखील जमा झाले आहेत. आयटीआर फाइल करण्याची शेवटची तारीख यंदा वाढवून देण्यात आली आहे. आता आयटीआर फाइल करण्याची शेवटची तारीख १५ सप्टेंबर निश्चित करण्यात आली आहे. त्यामुळे करदात्यांनी मुदतीपूर्वी आयटीआर फाइल करावे. जर तुम्ही त्यानंतर आयटीआर फाइल केला तर तुम्हाला दंड भरावा लागू शकतो.

जर तुम्ही मुदतीनंतर आयटीआर फाइल केला तर बिलेटेड आयटीआर फाइल करण्याची शेवटची तारीख ३१ डिसेंबर २०२५ असणार आहे. परंतु तुम्हाला यावर व्याज आणि दंड भरावा लागेल. यामुळे तुमचे नुकसान होणार आहे. दरम्यान, तुम्हाला किती दंड भरावा लागेल ते जाणून घ्या.

बिलेटेड आयटीआर फाइल करण्यासाठी लागणार व्याज

जर तुम्ही १५ सप्टेंबरनंतर आयटीआर फाइल केला तर त्यावर कलम 234A अंतर्गत टॅक्सवर १ टक्के व्याज भरावे लागणार आहे. याचसोबत तुमच्या रक्कमेवर दंड निश्चित केला जातो. तो भरावा लागतो.

किती दंड भरावा लागणार

तुमचे जर वार्षिक उत्पन्न ५ लाखांपेक्षा जास्त असेल तर तुम्हाला ५००० रुपये दंड भरावा लागेल. जर तुमचे वार्षिक उत्पन्न ५ लाखांपेक्षा कमी असेल तर १००० रुपये दंड भरावा लागेल.

जर तुम्हाला शेअर मार्केट, म्युच्युअल फंडमध्ये कोणतेही नुकसान झाले असेल तर ते तुम्हाला कॅरी फॉरवर्ड करता येणार नाही. जर तुम्ही मुदतीपूर्वी आयटीआर भरला तर तुम्ही हे नुकसान फाइल करताना भरु शकतात.

फायनान्शियल हिस्ट्रीवर होणार परिणाम

जर तुम्ही वेळेवर आयटीआर फाइल केला नाही तर त्याचा परिणाम तुमच्या फायनान्शियल क्रेडिबिलिटीवर होणार आहे. यामुळे बँक किंवा वित्तीय संस्था तुमच्यावर विश्वास ठेवत नाही. होम लोन, पर्सनल लोन, बिझनेस लोन घेताना तुमच्याकडे आयटीआर कॉपी मागितली जाते.

तसेच जर तुम्हाला परदेशात फिरायला जायचे असेल तर तुम्हाला व्हिसासाठी अप्लाय करावे लागते. यावेळीही आयटीआर कागदपत्र आवश्यक आहे. जर तुमच्याकडे आयटीआर नसेल तर तुम्हाला अडचणी येऊ शकतात.