ITR Filling: आयटीआर फाइल करण्यासाठी मुदत वाढवली; शेवटची तारीख काय? वाचा सविस्तर

आयटीआर फाइल करण्यास सुरुवात होऊन बरेच दिवस झाले आहेत. अनेक करदात्यांनी आतापर्यंत आयटीआर फाइल केले आहेत. अनेकांचे रिफंडदेखील जमा होण्यास सुरुवात झाली आहे. आयटीआर फाइल करण्याची डेडलाइन यावर्षी बदलण्यात आली आहे. त्यामुळे आयटीआर फाइल करण्याची शेवटची तारीख काय याबाबतचा प्रश्न करदात्यांना पडला आहे.

आयटीआर फाइल करण्याची शेवटची तारीख काय? (ITR Filling 2025 Deadline)

लाखो करदाते दरवर्षी आयटीआर फाइल करतात. दरवर्षी आयटीआर फाइल करण्याची शेवटची तारीख ३१ जुलै असते. मात्र, यंदा ही तारीख वाढवून देण्यात आली आहे. यंदा आयटीआर फाइल करण्याची शेवटची तारीख १५ सप्टेंबर २०२५ आहे. त्यामुळे तुम्ही सप्टेंबरपर्यंत आयटीआर फाइल करु शकतात. जसे वेगवेगळ्या उत्पन्न गटासाठी वेगवेगळा आयटीआर फॉर्म आहे. तसेच प्रत्येक उत्पन्न गटासाठी आयटीआर फाइल करण्याची शेवटची तारीख वेगवेगळी आहे.

कंपन्यांसाठी आयटीआर फाइल करण्याची शेवटची तारीख काय?

ज्या करदात्यांना खात्यांचे ऑडिट करणे गरजेचे आहे. त्या करदात्यांसाठी आयटीआर फाइल करण्याची शेवटची तारीख ३१ ऑक्टोबर २०२५ आहे. कंपन्यांचे ऑडिट होते. तुम्ही ऑडिट रिपोर्ट ३० सप्टेंबर २०२५ पर्यंत सादर करु शकतात.

आंतरराष्ट्रीय व्यव्हारांसाठी आयटीआर फाइल करण्याची शेवटची तारीख

आंतरराष्ट्रीय व्यव्हरांसाठी आयकर रिटर्न फाइल करण्याची शेवटची तारीख ३० नोव्हेंबर २०२५ आहे. या नागरिकांना ऑडिट रिपोर्ट ३१ ऑक्टोबर २०२५ पर्यंत जमा करणे अनिवार्य आहे.

बिलेटेड आयटीआर फाइल करण्याची शेवटची तारीख

जर तुम्ही आयटीआर फाइल करण्यास विसरलात तर बिलेटेड आयटीआर फाइल करु शकतात. बिलेटेड आयटीआर फाइल करण्याची शेवटची तारीख ३१ डिसेंबर २०२५ आहे.