Nandurbar : नंदुरबार जिल्ह्यातील आठ कमकुवत पुलांचे होणार स्ट्रक्चरल ऑडिट; गुजरातच्या पूल दुर्घटनेनंतर प्रशासनाचा निर्णय

सागर निकवाडे 
नंदुरबार : कमकुवत झालेल्या पूल पावसाळ्यात कोसळण्याची शक्यता असते. यामुळे मोठी दुर्घटना नाकारता येत नाही. यातच गुजरातमध्ये पूल कोसळण्याची घटना घडली आहे. यानंतर प्रशासन अलर्ट झाले असून नंदुरबार जिल्ह्यातील पुलांचे सर्व्हेक्षण करण्यात येणार आहे. यातील कमकुवत असलेल्या ८ पुलांचे स्ट्रक्चरल ऑडिट केले जाणार केले जाणार आहे. अर्थात पुढील होणारी दुर्घटना टाळता येणार आहे. 

नद्यांवर पुलाची उभारणी करण्यात आलेली आहे. काही पूल हे ब्रिटिश काळापासूनचे आहेत. तर काही पुलांची उभारणी करण्यास अनेक वर्षांचा कालावधी झाल्याने त्यांची मुदत संपल्याने त्यांचे स्ट्रक्चर ऑडिट करण्याकडे प्रशासन दुर्लक्ष करत असते. कमकुवत झालेले हे पूल धोकेदायक ठरत असतात. पावसाळ्याच्या दिवसात नदीला मोठा पूल आल्यास किंवा अतिमुसळधार पाऊस झाल्यास पूल कोसळण्याची अधिक शक्यता निर्माण होत असते. 

आठ पुलांचे स्ट्रक्चरल ऑडिट 
गुजरात मधील पूल कोसळल्याची दुर्घटना घडल्यानंतर आता नंदुरबार जिल्हा प्रशासन देखील अलर्ट झाले असून जिल्ह्यातील कमकुवत पूलांबाबत पुन्हा एकदा चर्चा सुरू झाली आहे. दरम्यान जिल्ह्यातील 35 फुलांचे पावसाळ्यापूर्वीच सर्वेक्षण करण्यात आले आहे. मात्र आपत्ती व्यवस्थापन अंतर्गत जिल्हाधिकाऱ्यांनी जिल्ह्यातील पुलांचा आढावा घेतल्यानंतर आठ कमकुवत पुलाचा स्ट्रक्चरल ऑडिट करण्याचा निर्णय घेण्यात आला आहे. 

तर नंदुरबार जिल्ह्यात होऊ शकते मोठी दुर्घटना 

पावसाळा सुरू झाला असला तरी अद्यापही ऑडिट कारणात आलेले नाही. मुळात जिल्ह्यातील आठ पूल जीर्ण झाले असून ते वाहतुकीसाठी धोकादायक झालेले आहेत. नंदुरबार जिल्ह्यात जोरदार पाऊस होत असून अशात मोठी दुर्घटना होण्याची शक्यता नाकारता येत नाही. तर पावसाळा सुरू झाला असला तरी अद्यापही ऑडिट झाला नसल्यामुळे जिल्हा प्रशासनाचा कार्यप्रणालीवर आता प्रश्नचिन्ह उपस्थित होत आहे.