Sambhajinagar: शेतकऱ्यांनो सावधान, जाहिरातींना भुलू नका; संभाजीनगरात बाेगस बियाणे विक्रेत्यांवर कृषीची नजर

- रामनाथ ढाकणे

बोगस खते, बियाणे विक्रीला लगाम लावण्यासाठी कृषी विभागाने छत्रपती संभाजीनगर जिल्ह्यात कारवाया सुरू केल्या आहेत. यामुळे बाेगस बियाणे विक्रेत्यांचे दाबे धणाणले आहेत. दरम्यान बियाणे, खते आणि औषधी खरेदी करताना शेतकऱ्यांनी काळजी घ्यावी असे आवाहन कृषी विभागाने केले आहे.

खरीप हंगामाची तयारी अंतिम टप्प्यात आली असून सध्या शेतकरी वर्ग बी बियाणे खते आणि औषधी खरेदी करण्याच्या तयारीत आहेत. तशी लगबग आता सुरू आहे. परंतु बी बियाणे, खते खरेदी करण्यापूर्वी खताची तपासणी करणे आवश्यक आहे.

अनेकदा भेसळयुक्त खते आणि बियाणांमुळे शेतकऱ्यांची फसवणूक झाल्याचे प्रकार यापूर्वी उघडकीस आले. त्यामुळे आता शेतकऱ्यांनी बियाणे आणि औषधी खरेदी करताना विशेष काळजी घ्यावी असे आवाहन आता कृषी विभागाने केले आहे.

जिल्ह्यातील बाजारपेठेत सध्या विविध कंपन्यांकडून बियाणे विक्रीच्या बनावट जाहिराती दाखवून शेतकऱ्यांना आकर्षित केले जाते आणि बनावट बियाणे शेतकऱ्याच्या हाती दिले जाऊन ऐन लागवड आणि पेरणीच्या काळात दिवसाढवळ्या फसवणूक होते. परंतु आता या बनावट बियाणांच्या विक्रीला लगाम लावण्यासाठी संभाजीनगर जिल्ह्यात कृषी विभागाने बेधडक कारवाया सुरू केल्या.

Edited By : Siddharth Latkar