Beed News : शेतकऱ्यांना दिलासा; बागायतीसह फळबागांनाही मिळणार नुकसान भरपाई, जिल्ह्यातील नुकसानग्रस्त पिकांचे पंचनामे पूर्ण

बीड : बीड जिल्ह्यात चार दिवस झालेल्या अवकाळी पावसामुळे जिल्ह्यातील ११ पैकी ७ तालुक्यामध्ये (Beed) नुकसान झाले आहे. या ७ तालुक्यातील तब्बल ६९ गावातील २ हजार ३०३ शेतकऱ्यांच्या २ हजार ६७७ एक्कर शेतामधील (Farmer) पिकांचे नुकसान झाल्याचा प्राथमिक अंदाज आहे. यामध्ये ३३ टक्क्यांच्या खाली ७ तालुक्यांत १६०६.२५ एक्करवरील क्षेत्राचे नुकसान झाले असून ३३ टक्क्यांपेक्षा जास्त १०७१.०५ एक्कर क्षेत्रावर नुकसान आहे. (Latest Marathi News)

बीड जिल्ह्यातील बीड तालुक्यासह आष्टी, गेवराई, धारूर, वडवणी अंबाजोगाई, केज या ७ तालुक्यांतील ६९ गावांत १६ ते ३० नोव्हेंबर २०२३ दरम्यान झालेल्या अवकाळी (Rain) पावसामुळे २ हजार ३०३ शेतकऱ्यांची रब्बी ज्वारी, कापूस कांदा, तूर, झेंडू, हरभरा या पिकांचे तर फळ पिकात, द्राक्षे, सीताफळ, शेवगा या पिकांचे नुकसान झाले आहे. अवकाळी पावसाचे संकट असताना आता ढगाळ वातावरणामुळे हरभऱ्यावर घाटे अळी, तुरीवर शेंगा पोखरणारी अळी, ज्वारीवर चिकटा तर गव्हाची वाढ खुंटली आहे. हे दुसरे नैसर्गिक संकट ओढावले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अशी मिळणार मदत 

या नुकसानग्रस्त ६९ गावांतील पीक नुकसानीचे पंचनामे तलाठी, ग्रामसेवक आणि कृषी सहायक यांनी पूर्ण केले असून आज कृषी विभागाला अहवाल प्राप्त झाला. दरम्यान एनडीआरएफच्या निकषानुसार ज्या शेतकऱ्यांचे एक हेक्टरमधील जिरायती क्षेत्राचे नुकसान झाले आहे. अशा शेतकऱ्यांना ८ हजार ५०० रुपयांची मदत, बागायती क्षेत्रातील एक हेक्टर क्षेत्रासाठी १७ हजार रुपये तर फळपिकासाठी एका हेक्टरला २२ हजार ५०० रुपये मिळणार आहेत.