गाव हादरलं! जनावरांच्या गोठ्यात सापाच्या पिल्लांचा सापळा; एकाच ठिकाणी आढळली ६० नागाची पिल्लं

MP Viral News: मध्य प्रदेशातील मंदसौर जिल्ह्यातून अंगावर शहारा आणणारी घटना समोर आली आहे. येथील एका शेतकऱ्याच्या जनावरांच्या गोठ्यात तब्बल ६० नागिणीचे पिल्ले सापडल्याने परिसरात एकच खळबळ उडाली आहे. ही सर्व घटना इतकी धक्कादायक होती की तिचा व्हिडिओ सोशल मीडियावर समोर येताच तो काही तासांतच व्हायरल झालेला आहे.

गोठ्यात अचानक हालचाल जाणवली

ही घटना मंदसौर जिल्ह्यातील एका लहानशा गावात घडली आहे. स्थानिक शेतकरी आपल्या जनावरांना खायला देण्यासाठी गोठ्यात गेला होता. दरम्यान त्याच्या लक्षात आलं की, जमिनीखाली काही हालचाल होतेय. सुरुवातीला त्याने दुर्लक्ष केलं.मात्र, काही क्षणातच एक बारीक साप(Snake) गोठ्यातून सरपटत जाताना दिसला.

शंका आल्यामुळे शेतकऱ्याने गावकऱ्यांना बोलावून घेतलं. त्यांनी लगेच सर्पमित्रांना आणि वनविभागाला कळवले. काही तासांतच सर्पमित्र घटनास्थळी पोहोचले आणि त्यांनी जे पाहिलं ते पाहून त्यांचेही डोळे विस्फारले गेले.

एक-दोन नाही, तब्बल ६० सापांचे पिल्ले!

सर्पमित्रांनी जेव्हा गोठ्यातील एका कोपऱ्याची माती बाजूला काढली तेव्हा तिथून एक-दोन नाही, तर तब्बल ६० नागाची पिल्ले बाहेर आले. ही सर्व सापाची पिल्लं कोब्रा जातीची होती. अंदाजे प्रत्येक साप ८ ते १२ इंच लांब होता. इतक्या मोठ्या संख्येने साप एकत्र दिसणे हे अत्यंत दुर्मिळ आणि धोकादायक मानले जाते.

स्थानिकांच्या उरात धडकी

या घटनेनंतर संपूर्ण गावात भीतीचे (fear) वातावरण पसरले आहे. अनेकांनी आपल्या घरांच्या आजूबाजूच्या भागात सफाई मोहीम राबवली. मुलांना बाहेर न खेळण्याचे आदेश दिले गेले. गावातील अनेक नागरिक गोठा आणि घराच्या परिसरात काळजीपूर्वक फिरत आहेत.

टीप: हा सापाचा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.