Mumbai Local Train: मुंबईत लोकलच्या दरवाजावर लटकून तरुणाची स्टंटबाजी, पाहा व्हिडिओ

मुंबई: लोकलच्या दरवाजात लटकून स्टंटबाजी करण्याचे प्रकार थांबण्याचे नाव घेत नाहीत. पोलिस आणि रेल्वे प्रशासनाकडून कारवाई करण्यात येऊनही असे प्रकार वारंवार समोर येत आहेत. आता पुन्हा एक व्हिडिओ व्हायरल झाला आहे ज्यात हार्बर रेल्वे मार्गावरील जुईनगर स्थानकात चालत्या लोकलच्या दरवाजाला लटकून एक तरुण जीवघेणी स्टंटबाजी करताना दिसत आहे. दरवर्षी अशा धाडसी प्रकारांमुळे अनेकांचे जीव जात असूनही काही तरुण धोक्याची पर्वा न करता स्टंट करतानाचे व्हिडिओ सोशल मीडियावर शेअर करतात. रेल्वे प्रशासनाने याकडे गांभीर्याने लक्ष देत कडक कारवाई करण्याची गरज असल्याची मागणी होत आहे.