Marathi- Hindi Row: मनसेचा भाजप आमदाराला दणका; कार्यालयावरील गुजराती पाटी हटवली|VIDEO

नवी मुंबई येथील सीवूड्स, सेक्टर-४२ मधील शेल्टर आर्केड या सोसायटीमध्ये भाजपचे गुजरातमधील आमदार वीरेंद्रसिंग बहादूरसिंग जडेजा यांनी त्यांचे पक्षाचे जनसंपर्क कार्यालय थाटले आहे. पण त्याच्यावरील पाटी ही पूर्णपणे गुजराती मध्ये होती. मनसे, भाजप नवी मुंबई मधील पदाधिकारी व इतर मराठी माणसांचा दबाव आल्यानंतर ती पाटी गुरुवारी १७ जुलै रोजी मराठीत करण्यात आली.

सर्व वातावरण निवळलेले असताना परत आता ती पाटी गुजराती करण्यात आली आहे. मराठीचा अंतर्भाव अत्यंत सूक्ष्म अक्षरांत करण्यात आला आहे. हा महाराष्ट्राच्या कायद्याचा भंग तर आहे. परंतु हा मराठी भाषेचा अपमान करून समस्त मराठी माणसाला चेतावणी देण्याचा भाग आहे. या आमदाराला बहुदा नवी मुंबईतील वातावरण बिघडवायचे आहे आणि दोन समाजात तेढ निर्माण करायची आहे. एन.आर.आय सागरी पोलीस स्थानक येथे मनसे आली आहे या आमदारावर आणि त्याच्या कार्यकर्त्यांवर गुन्हा दाखल होणे जरुरी आहे. मनसेच्या दणक्यानंतर आता ही पाटी मराठीत लावण्यात आली आहे.