माणिकराव कोकाटे सभागृहात किती वेळ रम्मी खेळत होते? रोहित पवारांनी वेळेचा आकडाच सांगितला|VIDEO

माणिकराव कोकाटे यांचा विधीमंडळात पत्ते खेळतानाचा व्हिडिओ आमदार रोहित पवार यांनी व्हायरल केल्यानंतर एकच खळबळ उडाली होती. यामुळे विरोधक आणि सत्ताधाऱ्यांनी कोकाटे यांच्यावर टीकास्त्र सोडले होते. कोकाटेना उपमुख्यमंत्री अजित पवार यांनी काल खडेबोल देखील सुनावले. मात्र आज राष्ट्रवादी शरद पवार गटाचे आमदार रोहित पवार यांनी पुन्हा एकदा धक्कादायक दावा केला आहे.

कृषिमंत्री सभागृहात केवळ 42 सेकंद पत्ते खेळत नव्हते तर तब्बल 18 ते 22 मिनिटे पत्ते खेळत असल्याचा विधानमंडळाच्या चौकशीचा अहवाल असून हा अहवाल मुख्यमंत्री तसेच उपमुख्यमंत्री यांच्याकडे देखील सादर केला असल्याची माहिती आहे, असे रोहित पवार यांनी ट्विट करत म्हटले आहे.