Saam Impact: हॉटेलवरील गुजराती पाट्या काढून लावल्या मराठी पाट्या; साम टीव्हीच्या दणक्यानंतर आली जाग|VIDEO

मुंबई-अहमदाबाद राष्ट्रीय महामार्गावर गेल्या काही दिवसांपासून वादात असलेल्या गुजराती भाषेतील पाट्यांवर अखेर कारवाई झाली आहे. डहाणूजवळील चारोटी परिसरातील काही हॉटेल व्यावसायिकांनी आपल्या हॉटेलवरील गुजराती पाट्या हटवून त्याऐवजी मराठी पाट्यांचा वापर सुरू केला आहे. विशेष म्हणजे, या भागातील एका प्रसिद्ध काठीयावाडी हॉटेलने दिवसभरातच आपली जुनी गुजराती पाटी उतरवून नवीन मराठी पाटी लावली. हे बदल पाहून स्थानिकांनी समाधान व्यक्त केले आहे. मात्र, अजूनही काही हॉटेल्समध्ये गुजराती मजकूर झळकत असून, स्थानिक नागरिक आणि संघटनांकडून संताप व्यक्त करण्यात येत आहे.

मराठी भाषा दिन आणि स्थानिक संस्कृतीचा सन्मान लक्षात घेता या भागातील हॉटेल्सनी मराठी भाषेचा आदर राखावा, अशी मागणी होत आहे. स्थानिक प्रशासनाकडूनदेखील याबाबत लवकरच कारवाई होण्याची शक्यता वर्तवली जात आहे.