Maharashtra Politics: सोन्या, तू अजून शुद्धीवर आला नाहीस का? हिंदी सक्तीच्या वादावरून गुलाबराव पाटलांची राऊतांवर बोचरी टीका|VIDEO

हिंदी भाषेच्या मुद्यावरून राज्यातील राजकारण चांगलेच तापले आहे. यावरून ठाकरे गटाचे खासदार संजय राऊत यांनी उपमुख्यमंत्री एकनाथ शिंदे यांच्यावर कडाडून टीकास्त्र सोडले. संजय राऊत म्हणाले, मला आश्चर्य वाटत आहे की स्वतःला शिवसेना म्हणून घेणाऱ्या एकनाथ शिंदे आणि त्यांच्या मंडळीचे. हिंदी सक्तीच्या विरोधात कोणीच बोलत नाहीये.

कुठे लपून बसले आहे. त्यांनी कुठे बंकर केले आहे का? की या विषयावर बोलायचेच नाही. उदय सामंत हे मंत्री आहे त्यांनी ठामपणे मराठीसाठी भूमिका मांडायला पाहिजे. अमित शाहांच्या शिवसेनेचे जे लोक आहेत त्यांनी सगळा विरोध जुगारून मराठीसाठी पुढे आले पाहिजे असे म्हणत संजय राऊत यांनी शिंदे गटावर जोरदार टीका केली. यावरच शिंदे गटाचे मंत्री गुलाबराव पाटील यांनी संजय राऊतांवर जोरदार पलटवार केला आहे.

हिंदी सक्तीवरून राज ठाकरे आणि उद्धव ठाकरे एकत्र येणार असून याला आमचा विरोध नाही, मराठी ही आमची भाषा आहे .हिंदीबाबत सामूहिक निर्णय झाला पाहिजे. मला नाही वाटत की याबाबत कोणाचा विरोध असेल हिंदी सक्ती वरून एकनाथ शिंदे आता कुठे लपून बसले आहेत अशी टीका संजय राऊत यांनी केली होती यावरूनच मंत्री गुलाबराव पाटील म्हणाले, एकनाथ शिंदे तुझ्या छाताड्यावर आहेत. तू अजून शुद्धीवर आला नाही का सोन्या. असा पलटवार मंत्री गुलाबराव पाटील यांनी संजय राऊतांवर केला.