ध्रुव जुरेलचे लिस्ट ए करिअरमधील पहिले शतक
बडोद्याविरुद्ध नाबाद १६० धावांची तुफान खेळी
१५ चौकार आणि ८ षटकारांची आतषबाजी
भारतीय यष्टीरक्षक-फलंदाज ध्रुव जुरेलने आपल्या लिस्ट ए करिअरमधील पहिलं शतक झळकावलंय. सोमवारी राजकोट येथे झालेल्या विजय हजारे ट्रॉफीमध्ये बडोद्याविरुद्ध खेळताना ध्रुव जुरेलने उत्तर प्रदेशकडून फलंदाजी करताना अवघ्या ७८ चेंडूत शतक झळकावले. तिसऱ्या क्रमांकवर फलंदाजीसाठी मैदानात उतरलेल्या उत्तर प्रदेशच्या ध्रुव जुरेलनं बडोदा संघाच्या गोलंदाजांची जबरदस्त धुलाई केली.
त्याने १०१ चेंडूमध्ये नाबाद राहत १६० धावांची जबरदस्त खेळी केली. ध्रुव जुरेलच्या या खेळीमुळे उत्तर प्रदेशच्या संघाची धावसंख्या ३६९ वर पोहचली. ध्रुव जुरेलने त्याच्या खेळीत १५ चौकार आणि ८ षटकारांचा समावेश आहे. या तुफान फटकेबाजीत त्याने वेगवान गोलंदाज रसिक सलामच्या षटकात ५५ धावा ठोकून काढल्या.
पहिल्या सामन्यात हैदराबादविरुद्ध ८०(६१)
दुसऱ्या सामन्यात चंदीगड विरुद्ध ६७(५७)
तिसऱ्या सामन्यात बडोदा विरुद्ध १६०*(१०१)
ध्रुव जुरेलने विजय हजारे ट्रॉफी २०२५-२६ च्या मोहिमेची सुरुवात चांगली केली. त्याने पहिल्या दोन फेऱ्यांमध्ये हैदराबाद आणि चंदीगडविरुद्ध अर्धशतके झळकावली. आता तिसऱ्या सामन्यात त्याने १६० धावांची शानदार खेळी केली आहे. दक्षिण आफ्रिका आणि ऑस्ट्रेलियाविरुद्धच्या एकदिवसीय मालिकेसाठी जुरेलचा भारतीय संघात समावेश करण्यात आला होता, परंतु त्याला कोणत्याही सामन्यात खेळण्याची संधी मिळाली नव्हती.
तिसऱ्या क्रमांकावर ध्रुव जुरेलच्या नाबाद १६० धावांव्यतिरिक्त रिंकू सिंहने कर्णधाराप्रमाणे शानदार खेळी केली. डावखुरा फलंदाज रिंकूनं ६७ चेंडूत ६३ धावा केल्या. तर आयपीएलच्या मिनी-लिलावात १२.२ दशलक्ष रुपयांना विकल्या गेलेल्या प्रशांत वीरने २३ चेंडूत ३५ धावा केल्या. रसिख सलाम बडोद्यासाठी सर्वात महागडा गोलंदाज ठरला. त्याने १० षटकांत १०.२ च्या इकॉनॉमी रेटने १०२ धावा दिल्या. राज लिंबानीनेही ७४ धावा दिल्या पण चार विकेट घेतल्या.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.