IND vs ZIM: झिम्बाब्वेविरुद्धच्या सामन्याआधी टीम इंडियात होणार धक्कादायक उलटफेर, मॅचविनर खेळाडूची विकेट पडणार

टी-२० विश्वचषक २०२६ मध्ये सूपर ८ चे सामने सुरू आहेत. या सामन्यात विजय मिळवणारा संघ थेट उपांत्य फेरीत जाणार आहे. सुपर८ मधील पहिल्या सामन्यात टीम इंडियाचा दारूण पराभव झाला होता. आता भारत आणि झिम्बाब्वे यांच्यात सेमी फायनलचं तिकीट मिळवण्यासाठी सामना होणार आहे. या सुपर ८ सामन्यात भारतीय संघ यंदाच्या विश्वचषकाच्या अंतिम फेरीत जाणार की नाही हे कळणार आहे.

दरम्यान, या सामन्यासाठी भारतीय संघाने रणनीती आखली आहे. टीम इंडियाच्या प्लेइंग इलेव्हनमध्ये काही महत्त्वाचे बदल होण्याची शक्यता आहे. किमान दोन बदल आधीच स्पष्टपणे दिसून येत आहेत, परंतु कर्णधार सूर्यकुमार यादव काय निर्णय घेणार हे येणारा काळच सांगेल.

टीम इंडिया आपला पुढचा सुपर८ चा सामना २६ फेब्रुवारी रोजी होणार आहे. या दिवशी चेन्नईमध्ये भारत आणि झिम्बाब्वे यांच्यात सामना होईल. सामना संध्याकाळी ७:०० वाजता सुरू होईल. त्याच्या अर्धातास आधी टॉस होईल. दरम्यान टीम इंडियाच्या प्लेइंग इलेव्हनमध्ये दोन बदल होण्याची शक्यता आहे.

भारतीय संघाच्या सलामी जोडीने आतापर्यंत एकाही सामन्यात चांगली कामगिरी केलेली नाहीये. अभिषेक शर्मापासून ते इशान किशनपर्यंत सर्वांना धावांसाठी संघर्ष करावा लागलाय. दरम्यान संजू सॅमसनला एका सामन्यात संधी मिळाली होतीय. त्यात त्याने फंलदाजीची चांगली सुरुवात केली होती.

मधल्या फळीतील क्रमवारी बदलणार

भारतीय संघ एकाच वेळी तिन्ही खेळाडूंना संधी देऊ शकतो. अभिषेक शर्मा आणि संजू सॅमसन पुन्हा सलामीसाठी येतील. तर इशान किशनला तिसऱ्या क्रमांकावर फलंदाजीसाठी पाठवले जाऊ शकते. इशान तिसऱ्या क्रमांकावर गेल्याने, तिलकला चौथ्या क्रमांकावर आणि सूर्याला पाचव्या क्रमांकावर जावे लागेल. या सामन्यातून रिंकू सिंगला वगळले जाऊ शकते. पण दरम्यान रिंकू सिंगचे वडील आजारी होते, म्हणून त्यांनी एक दिवस आधीच संघातून बाहेर परतला होता, पण आता ते परतत असल्याचे कळले आहे. आकडेवारीवर नजर टाकल्यास जेव्हा रिंकू सिंग फलंदाजीसाठी आला आहे तेव्हा त्याने खूप कमी चेंडूंचा सामना केलाय.

तो गोलंदाजीही करत नाही. अशा परिस्थितीत डावखुऱ्या रिंकूला वगळता उजव्या हाताचा फलंदाज संजूला संधी दिली जाऊ शकते. यामुळे पहिल्या तीनमध्ये डावखुऱ्या फलंदाजांची कमतरता काही प्रमाणात कमी होईल. आणखी एक बदल होईल, तो म्हणजे,वॉशिंग्टन सुंदरच्या जागी अक्षर पटेलला संधी मिळू शकते. पहिल्या तीन सामन्यात पटेलने सहा विकेट्स घेतल्या, पण त्याला अचानक वगळण्यात आले आणि सुंदरला संघात आणण्यात आले होते.