Sachin Tendulkar Statue: क्रिकेटच्या देवाचा सन्मान! ज्या मैदानावर घडला, त्याच मैदानावर उभारला सचिनचा पुतळा

Sachin Tendulkar Statue At Wankhede Stadium:

वर्ल्डकप २०२३ स्पर्धेतील ३३ व्या सामन्यात भारत आणि श्रीलंका हे दोन्ही संघ आमने सामने येणार आहेत. हा सामना मुंबईच्या वानखेडे स्टेडियमवर रंगणार आहे. या सामन्यासाठी भारतीय संघ मुंबईत दाखल झाला आहे. दरम्यान या सामन्याच्या एक दिवसापूर्वी वानखेडे स्टेडियमवर विशेष कार्यक्रम पार पडला आहे.

वानखेडे स्टेडियमवर भारतीय संघाचा मास्टर ब्लास्टर, भारतरत्न सचिन तेंडुलकरच्या पुतळ्याचे अनावरण करण्यात आले आहे. या कार्यक्रमावेळी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, बीसीसीआयचे सजिव जय शाह, राष्ट्रवादीचे अध्यक्ष शरद पवार आणि बीसीसीआयचे खजिनदार आशिष शेलार देखील उपस्थित होते. (Latest sports updates)

या पुतळ्याचं अनावरण स्वत: सचिन तेंडुलकरच्या हस्ते करण्यात आले आहे. या कार्यक्रमावेळी सचिन तेंडुलकरच्या कुटुंबासह इतर बीसीसीआय आणि मुंबई क्रिकेट असोसिएशनचे पदाधिकारी उपस्थित होते. हा पुतळा सचिन तेंडुलकर स्टँडजवळ उभारण्यात आला आहे. याच मैदानावर खेळून सचिन तेंडुलकर मोठा क्रिकेटपटू झालाय. याच मैदानावर त्याने देशांतर्गत क्रिकेट स्पर्धेत मुंबई संघाचे प्रतिनिधित्व केले आहे.