Ricky Ponting : पंजाब किंग्सच्या खेळाडूंमुळे रिकी पाँटिंगवर 'कचरा' गोळा करण्याची वेळ; Video Viral

Ricky Ponting IPL 2025 : पंजाब किंग्स विरुद्ध सनरायजर्स हैदराबाद हा सामना आज राजीव गांधी आंतरराष्ट्रीय स्टेडियमवर खेळला जात आहे. हा सामना खेळण्यासाठी पंजाबचा संघ हैदराबादला पोहोचला आहे. पंजाबचा प्रमुख प्रशिक्षक रिकी पाँटिंग देखील खेळाडूंसोबत आहे. सामन्यादरम्यान रिकी पाँटिंगच्या एका व्हिडीओची सोशल मीडियावर चर्चा पाहायला मिळत आहे.

व्हायरल व्हिडीओमध्ये रिकी पाँटिंग स्टेडियममधील कचरा उचलून एकत्र करत असल्याचे पाहायला मिळते. स्टेडियमच्या मैदानात, खुर्च्यांजवळ, डगआउटच्या आसपास झालेला कचरा रिकी पाँटिंग उचलून कचऱ्याच्या डब्यात टाकतो. पंजाब किंग्सच्या सोशल मीडिया अकाउंट्सवर रिकीचा हा व्हिडीओ पोस्ट करण्यात आला आहे.

मिळालेल्या माहितीनुसार, हा व्हिडीओ सराव सत्रादरम्यानचा आहे. सराव केल्यानंतर खेळाडू मैदानाच्या बाहेर पडले. पण रिकी पाँटिंग शेवटपर्यंत स्टेडियमवर थांबला. मैदानातील खाली झालेल्या प्लास्टिकच्या बाटल्या उचलतो. शहाळं, केळ्याच्या साली असा कचरा एकत्र करुन कचरापेटीमध्ये फेकून देत असल्याचे व्हिडीओमध्ये पाहायला मिळते. या कृतीमुळे रिकी पाँटिंगचे कौतुक होत आहे.

रिकी पाँटिंगच्या मार्गदर्शनामध्ये पंजाब किंग्सच्या संघाने आयपीएल २०२५ मध्ये चांगला खेळ केला आहे. पंजाबने आतापर्यंत चार सामने खेळले आहेत. यातील तीन सामन्यांमध्ये पंजाबच्या संघाने जिंकले आहेत. पॉईंट्स टेबलवर पंजाब किंग्सचा संघ वरच्या क्रमावर आहे. आज चौथ्या विजयासाठी पंजाबचा संघ हैदराबादच्या समोर लढत जिंकावी लागणार आहे.