आयसीसी वर्ल्डकप 2023 स्पर्धेतील दुसऱ्या उपांत्य फेरीतील सामन्यात ऑस्ट्रेलियाने दक्षिण आफ्रिकेचा ३ विकेट्सनी पराभव केला. या पराभवासह दक्षिण आफ्रिकेचं विश्वचषकातील आव्हान संपुष्टात आलं आहे. तर दुसरीकडे ऑस्ट्रेलियाने पुन्हा एकदा फायनलमध्ये धडक दिली असून आता त्यांचा सामना टीम इंडियाची होणार आहे. दरम्यान, या पराभवासह दक्षिण आफ्रिकेला आणखी एक धक्का बसला आहे. ('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
दक्षिण आफ्रिकेचा स्टार खेळाडू वनडेतून निवृत्त झाला आहे. हा खेळाडू दुसरा कुणीही नसून क्विंटन डी कॉक आहे. तसं पाहता डी कॉकने विश्वचषक 2023 स्पर्धा सुरू होण्यापूर्वीच वनडे फॉर्मेटमधून निवृत्ती जाहीर केली होती.
दक्षिण आफ्रिकेने जेव्हा भारतात होणाऱ्या विश्वचषकासाठी आपला संघ जाहीर केला, त्याचवेळी क्विंटन डी कॉकच्या वनडे क्रिकेटमधून निवृत्तीची बातमी आली होती. क्विंटन डी कॉकने स्पष्ट केले होते की, भारतात होणारा एकदिवसीय विश्वचषक ही त्याच्या वनडे कारकिर्दीतील शेवटची स्पर्धा असेल.
ऑस्ट्रेलियाविरुद्धचा सामना त्यांच्या शेवटचा सामना ठरला आहे. दरम्यान, अपेक्षेप्रमाणे यंदाच्या वर्ल्ड कपमध्ये डि कॉकने दमदार खेळ केला. त्याने १० सामन्यात ५९४ धावा केल्या असून सर्वाधिक धावा करणाऱ्या खेळाडूंमध्ये तो दुसऱ्या स्थानी आहे.
आफ्रिका संघाकडून सर्वाधिक करणारा खेळाडू ठरला आहे. यामध्ये त्याने ४ शतके केली होती. डी कॉकच्या एकदिवसीय कारकिर्दीबद्दल बोलायचे झाल्यास, त्याने १५५ सामने खेळले आहेत. या कालावधीत त्याने ४५.७४ च्या सरासरीने ६,६७० धावा केल्या आहेत. यामध्ये २१ शतके आणि ३० अर्धशतकांचा समावेश आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.