आयपीएल २०२४ स्पर्धेतील २६ वा सामना दिल्ली कॅपिटल्स आणि लखनऊ सुपर जायंट्स या दोन्ही संघांमध्ये रंगणार आहे. हा सामना लखनऊच्या एकाना स्टेडियमवर रंगणार आहे. हा सामना दोन्ही संघांसाठी अतिशय महत्वाचा असणार आहे. हा सामना जिंकून लखनऊ सुपर जायंट्स संघाकडे टॉप ४ मध्ये टिकून राहण्याच्या प्रयत्नात असणार आहे. तर दुसरीकडे दिल्ली कॅपिटल्सचा संघ आपला दुसरा विजय मिळवून गुणतालिकेत आगेकुच करण्याच्या प्रयत्नात असणार आहे.
रिषभ पंतच्या नेतृत्वाखाली खेळणारा दिल्ली कॅपिटल्सचा संघ गुणतालिकेत १० व्या स्थानी आहे. तर ३ विजयांसह लखनऊ सुपर जायंट्सचा संघ गुणतालिकेत तिसऱ्या स्थानी आहे.
कोण मारणार बाजी?
या स्पर्धेत लखनऊ सुपरजायंट्स संघाने शानदार खेळ करुन दाखवला आहे. केएल राहुलच्या नेतृत्वाखाली खेळणाऱ्या लखनऊ सुपरजायंट्स संघाने ४ पैकी ३ सामने जिंकले आहेत. या ३ पैकी २ सामने त्यांनी लखनऊच्या मैदानावर खेळताना जिंकले आहेत. तर दुसरीकडे दिल्ली कॅपिटल्स संघाला केवळ १ सामना जिंकता आला आहे. ही कामगिरी पाहता लखनऊचा वरचढ असल्याचं दिसून येत आहे.
या सामन्यासाठी अशी असू शकते दोन्ही संघांची प्लेइंग ११..
लखनऊ सुपर जायंट्स-
केएल राहुल (कर्णधार), क्विंटन डी कॉक, मार्कस स्टोइनिस, देवदत्त पडिक्कल, निकोलस पूरन, आयुष बदोनी, क्रुणाल पंड्या, यश ठाकुर, रवि बिश्नोई, नवीन-उल-हक, एम सिद्धार्थ.
इम्पॅक्ट प्लेअर- मोहसिन खान.
दिल्ली कॅपिटल्स -
डेव्हिड वार्नर, पृथ्वी शॉ,रिषभ पंत, ट्रिस्टन स्टब्स, अभिषेक पोरेल, ललित यादव, अक्षर पटेल, झाय रिचर्डसन, इशांत शर्मा, खलील अहमद, रसिख डार/सुमित कुमार.
इम्पॅक्ट प्लेअर- जॅक फ्रेजर मॅकगर्क
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.