IPL Opening Ceremony : आयपीएल उद्घाटन सोहळ्याला बॉलिवूडचा तडका, कोण-कोण येणार? कुठे बघाल लाइव्ह?

IPL 2025 Opening Ceremony update : इंडियन प्रीमिअर लीगच्या नव्या पर्वाला शनिवारपासून (22 मार्च) सुरुवात होत आहे. क्रिकेटच्या मैदानात फलंदाजांकडून चौकार-षटकारांची आतषबाजी होण्याआधीच बॉलिवूड कलाकारांचा जलवा बघायला मिळणार आहे. हा सोहळा लाइव्ह कुठे बघता येईल हे जाणून घेऊयात.
IPL 2025 Opening Ceremony (BCCI /X )
IPL 2025 Opening Ceremony (BCCI /X )saam tv
Published On

आयपीएल २०२५ स्पर्धेला आजपासून सुरुवात होत आहे. पहिलाच सामना गतवर्षीचा चॅम्पियन संघ कोलकाता नाइट रायडर्स विरुद्ध रॉयल चॅलेंजर्स बेंगळुरू या दोन दिग्गज संघांमध्ये होणार आहे. कोलकाताच्या इडन गार्डन्सवर हा उद्घाटनाचा सामना रंगणार आहे. क्रिकेटच्या मैदानात चौकार-षटकारांची बरसात होण्याआधी बॉलिवूडचा तडका आणि ठुमक्यांनी उद्घाटन सोहळ्यात रंगत आणली जाणार आहे.

आयपीएलच्या १८ व्या पर्वाला सुरुवात होण्याआधी श्रेया घोषाल आणि करन औजला यांच्या परफॉर्मन्सनं प्रेक्षकांचं मनोरंजन होणार आहे. याशिवाय बॉलिवूडची फिटनेस क्वीन दिशा पटानी ओपनिंग सेरेमनीला उपस्थिती लावणार आहे.

सलमान खान सुद्धा येणार?

मीडिया रिपोर्ट्समधील दाव्यानुसार, बॉलिवूड कलाकार श्रद्धा कपूर, वरूण धवन या ओपनिंग सेरेमनीला उपस्थित राहणार आहेत. याशिवाय सलमान खान देखील सोहळ्याला उपस्थित राहू शकतो, असं सांगितलं जात आहे. सिकंदरच्या प्रमोशनसाठी तो जाऊ शकतो. ३० मार्च रोजी हा चित्रपट प्रदर्शित होणार आहे.

डबल हेडर सामन्यांची मेजवानी

आयपीएलचे सर्व सामने एकूण १३ मैदानांवर खेळवले जाणार आहेत. त्यात १२ डबल हेडर सामन्यांची मेजवानी देखील आहे. फायनलचा सामना २५ मे रोजी कोलकाताच्याच ईडन गार्डन्सवर होणार आहे. यंदाच्या आयपीएल स्पर्धेतील पहिला डबल हेडर २३ मार्चला खेळवला जाणार आहे. पहिला सामना सनरायझर्स हैदराबाद विरुद्ध राजस्थान रॉयल्स यांच्यात होणार आहे. तर दुसरा सामना मुंबई इंडियन्स विरुद्ध चेन्नई सुपर किंग्ज यांच्यात होणार आहे.

IPL 2025 Opening Ceremony (BCCI /X )
IPL 2025 Live Streaming : आयपीएल पाहण्यासाठी मोजावे लागणार पैसे; कुठे पाहणार पहिला सामना, वाचा

LIVE मॅच कुठे बघता येईल?

आयपीएलच्या उद्घाटन सोहळ्याला २२ मार्चला संध्याकाळी सहा वाजता सुरुवात होणार आहे. कोलकाताच्या ईडन गार्डन्सवर हा सोहळा असेल. स्टार स्पोर्ट्स नेटवर्कवर हा सोहळा लाइव्ह बघता येणार आहे. जिओ हॉटस्टार अॅप आणि वेबसाइटवरही हा सोहळा पाहता येईल.

IPL 2025 Opening Ceremony (BCCI /X )
IPL 2025 सुरु होण्याआधी बीसीसीआयने बदलले 'हे' नियम

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com