आयपीएल २०२४ स्पर्धेत शनिवारी झालेल्या सामन्यात कोलकाता नाईट रायडर्स आणि मुंबई इंडियन्स हे दोन्ही संघ आमने सामने असेल होते. या सामन्यात मुंबई इंडियन्स संघाला १८ धावांनी पराभवाचा सामना करावा लागला आहे. पावसामुळे व्यत्यय आलेला हा सामना १६-१६ षटकांचा खेळवण्यात आला. प्रथम फलंदाजी करण्यासाठी आलेल्या कोलकाता नाईट रायडर्स संघाने २० षटक अखेर ७ गडी बाद १५७ धावा केल्या. या धावांचा पाठलाग करताना मुंबई इंडियन्स संघाला १६ षटकअखेर ८ गडी बाद १३९ धावा करता आल्या.
मुंबई इंडियन्स संघासाठी हे हंगाम वाईट स्वप्नापेक्षा कमी राहिलेलं नाही. हार्दिक पंड्याच्या नेतृत्वाखाली खेळत असलेल्या मुंबईचा हा ९ वा पराभव ठरला आहे. येत्या १७ मे रोजी मुंबईचा संघ आपला शेवटचा सामना खेळण्यासाठी मैदानावर उतरणार आहे. हा मुंबईचा या हंगामातील शेवटचा सामना असेल. दरम्यान कोलकाता नाईट रायडर्स विरूद्धच्या पराभवानंतर कर्णधार हार्दिक पंड्या भडकल्याचे पाहायला मिळाले आहे.
या पराभवानंतर बोलताना तो म्हणाला की, ' आमच्याकडे चांगली फलंदाजी होती. मात्र आम्ही त्याचा फायदा घेऊ शकलो नाही. विकेट थोडा वर खाली होता. त्यामुळे चेंडू खेळपट्टीवर फसून येत होता. त्यामुळे आम्ही प्रोजेक्टेड स्कोअरनुसार फलंदाजी करणं गरजेचं होतं. परिस्थीती पाहता धावसंख्या बरोबर होती. आमच्या गोलंदाजांनी चांगली कामगिरी केली. जो चेंडू सीमारेषेच्या बाहेर जात होता, तो ओला होऊन मैदानात येत होता. त्यामुळे गोलंदाजांना गोलंदाजी करणं कठीण होत होतं. मात्र ते सातत्याने विकेट्स घेत होते.
मुंबई इंडियन्स आपला शेवटचा सामना लखनऊ सुपर जायंट्स संघाविरुद्ध खेळणार आहे. हा सामना १७ मे रोजी वानखेडे स्टेडियमवर रंगणार आहे. दरम्यान या सामन्याबाबत बोलताना हार्दिक पंड्या म्हणाला की, ' काहीच नाही, फक्त जायचं आणि जितकं होईल तितका आनंद घ्यायचा आणि चांगलं क्रिकेट खेळायचं. सुरुवातीपासून मी हेच म्हणतोय. मला नाही वाटत, आम्ही या हंगामात चांगलं क्रिकेट खेळलो.' मुंबई इंडियन्स संघाने हा हंगामात १३ सामने खेळले. यादरम्यान या संघाला केवळ ४ सामने जिंकता आले. तर ९ सामन्यांमध्ये पराभवाचा सामना करावा लागला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.