IPL 2025: विराटने मिठी मारताच द्रविडचे डोळे पाणावले; पाहा दोघांमध्ये असं काय घडलं? मात्र दोन दिग्गजांचा भावूक करणारा Video

आपल्या पुराणांमध्ये आणि शास्त्रांमध्ये गुरुला देवाचा दर्जा देण्यात आलाय. आयपीएल सुरु असून यामध्ये एक व्हिडीओ व्हायरल होतोय. ज्यामध्ये गुरु आणि शिष्याची भेट झाल्याचं दिसतंय. या व्हायरल झालेल्या व्हिडिओमध्ये विराट कोहलीनेही राहुल द्रविडला पाहताच त्याच्यासमोर गुडघ्यांवर बसून चर्चा केली.

आयपीएल २०२५ मध्ये रॉयल चॅलेंजर्स बंगळुरू आणि राजस्थान रॉयल्स यांच्यात आज सामना रंगणार आहे. या सामन्यापूर्वी, आरसीबी स्टार विराट कोहली आणि राजस्थान रॉयल्सचे मुख्य कोच राहुल द्रविड यांचा एक व्हिडीओ सोशल मीडियावर व्हायरल झाला आहे. हा व्हिडीओ इमोशनल असून चाहत्यांना खूप आवडला आहे.

आयपीएल २०२५ सुरू होण्यापूर्वीच राहुल द्रविड यांच्या पायाला फ्रॅक्चर झालं होतं. त्यानंतर आतापर्यंत द्रविड व्हीलचेअरवर बसलेल दिसला. आरसीबीविरूद्धच्या सामन्यापूर्वी द्रविड व्हीलचेअरवर बसून मैदानात आल्याचं पाहायला मिळालं. त्याला पाहून विराट कोहली त्याच्याजवळ आला आणि गुडघ्यावर बसला.

द्रविडचे डोळे पाणावले

राहुल द्रविडला व्हीलचेअरवर पाहून विराट कोहली धावत त्याच्याजवळ आला. यावेळी द्रविडशी हात मिळवून तो करतो पण नंतर त्याच्या गुडघ्यावर बसला आणि त्यानंतर मिठी मारतो. यानंतर, राहुल द्रविड, विराट कोहली आणि राजस्थान रॉयल्सचा कर्णधार संजू सॅमसन मैदानावर मजा करताना दिसले. याचवेळी कोहली द्रविडला काहीतरी सांगतो आणि द्रविड इमोशनल होतो. यावेळी द्रविडचे डोळे पाणावलेले असतात.

कोहली-द्रविडचा व्हिडीओ व्हायरल

व्हायरल झालेल्या या व्हिडिओमध्ये भारतीय टीमचे माजी फलंदाजीचे कोच विक्रम राठोड देखील दिसतायत. कोहलीही त्याच्यासोबत मजा कररताना दिसतो. एक काळ असा होता जेव्हा या दिग्गजांनी टीम इंडियाला अनेक विजेतेपदं जिंकण्यास मदत केली.

आज रंगणार आरसीबी विरूद्ध राजस्थान

आज म्हणजेच रविवारी १३ एप्रिल रोजी विराट कोहलीची आरसीबी आणि संजू सॅमसनची राजस्थान रॉयल्स एकमेकांशी भिडणार आहे. आज आयपीएलचा डबल हेडर सामना आहे. ज्यामध्ये पहिला सामना दुपारी ३:३० वाजता जयपूरमधील सवाई मानसिंग स्टेडियमवर खेळला जाणार आहे.