IPL 2024: आयपीएल आधीच CSK ला मोठा धक्का! 14 कोटी खर्च करून घेतलेला प्लेअर गंभीर दुखापतग्रस्त

Daryl Mitchell Injury:

आयपीएल २०२४ स्पर्धा सुरू व्हायला अवघे काही दिवस शिल्लक राहिले आहेत. सर्व संघांनी या स्पर्धेसाठची कसून तयारी सुरू केली आहे. दरम्यान ही स्पर्धा सुरू होण्यापूर्वीच चेन्नई सुपर किंग्ज संघाच्या अडचणीत वाढ झाल्याचे पाहायला मिळत आहे. आगामी हंगामासाठी चेन्नई सुपर किंग्ज संघात स्थान देण्यात आलेला न्यूझीलंडचा स्टार फलंदाज डॅरील मिशेल दुखापतग्रस्त झाला आहे.

या दुखापतीमुळे तो दक्षिण आफ्रिकेविरुद्धच्या दुसऱ्या कसोटीतून बाहेर झाला आहे. यासह ऑस्ट्रेलियाविरुद्ध होणाऱ्या टी -२० मालिकेतूनही त्याला बाहेर पडावं लागलं आहे. ही चेन्नई सुपर किंग्ज संघाचं टेन्शन वाढवणारी बाब ठरू शकते. कारण चेन्नई सुपर किंग्जने त्याला १४ कोटींची बोली लावत आपल्या संघात स्थान दिलं आहे. (Cricket news in marathi)

न्यूझीलंड क्रिकेट बोर्डने आपल्या अधिकृत सोशल मीडिया अकाऊंटवरून पोस्ट शेअर करत याबाबत माहिती दिली आहे. त्यांनी आपल्या पोस्टमध्ये म्हटलं आहे की, डॅरील मिशेलच्या पायाला दुखापत झाली आहे. त्यामुळे तो दक्षिण आफ्रिकेविरुद्धच्या दुसऱ्या कसोटीत खेळताना दिसून येणार नाही. यासह ऑस्ट्रेलियाविरुद्ध होणाऱ्या टी -२० मालिकेतूनही त्याला बाहेर राहावं लागणार आहेत. दरम्यान तो पूर्णपणे फिट होऊन केव्हा परतणार याबाबत कुठलीही अपडेट मिळू शकलेली नाही.

चेन्नईला मोठा धक्का..

डॅरील मिशेलने वर्ल्डकप २०२३ स्पर्धेत दमदार खेळ केला होता. या स्पर्धेत सर्वाधिक धावा करणाऱ्या फलंदाजांच्या यादीत तो पाचव्या स्थानी होता. स्पर्धेतील १० सामन्यांमध्ये त्याने ५५२ धावा केल्या होत्या. यादरम्यान त्याने २ शतक झळकावली होती.