धनत्रयोदशीच्या दिवशी झाडू का खरेदी करतात? घरात झाडू कुठे ठेवावे?

दरवर्षी कार्तिक महिन्यातील कृष्ण पक्षाच्या त्रयोदशी तिथीला 'धनत्रयोदशी' (धनतेरस) हा सण उत्साहात साजरा केला जातो. या परंपरेनुसार, हिंदू धर्मातील प्रमुख सणांपैकी एक असलेला धनत्रयोदशीचा सण यावर्षी ६ नोव्हेंबर रोजी साजरा केला जाणार आहे. हा सण केवळ नवीन वस्तू खरेदी करण्यापुरता मर्यादित नाही, तर हा दिवस आयुर्वेद, वैद्यकशास्त्र आणि उत्तम आरोग्याचे अधिपती मानल्या जाणाऱ्या भगवान धन्वंतरी यांच्या उपासनेसाठीही समर्पित आहे.

हा सण संपत्तीचे रक्षक भगवान कुबेर यांच्या उपासनेसाठी आणि देवी लक्ष्मीचा विशेष आशीर्वाद मिळवण्यासाठी साजरा केला जातो. या दिवशी लोक सोने-चांदीसारख्या मौल्यवान वस्तू खरेदी करतात. यासह झाडू विकत घेऊन ते घरी आणण्याचीही प्रथा आहे. धनत्रयोदशीच्या निमित्ताने झाडू खरेदी करण्यामागचे महत्त्व जाणून घेऊया. लक्ष्मी माता नाराज होऊ नये म्हणून झाडूच्या बाबतीत कोणती खबरदारी घ्यावी, हे जाणून घेऊ.

२०२६ मध्ये धनत्रयोदशी कधी आहे?

हिंदू पंचांगानुसार २०२६ मध्ये धनत्रयोदशी शुक्रवार ६ नोव्हेंबर रोजी साजरी केली जाईल. या दिवशी संध्याकाळी भगवान कुबेर, भगवान धन्वंतरी आणि देवी लक्ष्मी यांची पूजा केली जाईल. त्याचदिवशी त्याआधी घर स्वच्छ केले जाते. अशीही एक धारणा आहे की, ज्या घरात झाडू नसतो त्या घरात लक्ष्मी मातेचा वास नसतो, अशा घरात आर्थिक संकटही उद्भवत असतात.

घरात झाडू ठेवण्याबाबतचे नियम

धार्मिक मान्यतेनुसार, झाडूमध्ये देवी लक्ष्मीचा वास असतो. त्यामुळे, आदरापोटी झाडू नेहमी जमिनीवर आडवा ठेवावा. तो उभा करून ठेवणे अशुभ मानले जाते. झाडू अशा ठिकाणी ठेवावा जिथे तो बाहेरच्या व्यक्तींना दिसणार नाही. तसेच, तो अशा जागी ठेवावा जिथे कोणाचा पाय चुकूनही त्यावर पडणार नाही.

डिस्क्लेमर- ही माहिती पारंपरिक धार्मिक श्रद्धांवर आधारित आहे. साम टीव्ही या माहितीशी सहमत नाहीये.