चांगल्या पगाराची नोकरी सर्वांनाच हवी असते. त्यात सरकारी बँकेत नोकरी मिळवण्याचे अनेकांचे स्वप्न असते. जर तुम्हालाही बँकेत नोकरी करायची असेल तर ही बातमी खास तुमच्यासाठी. स्टेट बँक ऑफ इंडियामध्ये स्पेशलिस्ट कॅडर ऑफिसर पदासाठी भरती सुरु आहे.
स्टेट बँक ऑफ इंडियामध्ये १५११ पदांसाठी भरती जाहीर करण्यात आली आहे. या नोकरीसाठी तुम्ही ऑनलाइन पद्धतीने अर्ज करु शकतात. या नोकरीसाठी अर्ज करण्याची शेवटची तारीख ४ ऑक्टोबर २०२४ आहे. (SBI Jobs)
स्पेशलिस्ट कॅडर ऑफिसर पदामध्ये डेप्युटी मॅनेजर आणि असिस्टंट मॅनेजर या रिक्त पदांसाठी भरती करण्यात येणार आहे. या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून इंजिनियरिंग पदवी (B.E/B.Tech)/MCA/M.tech पदवी प्राप्त उमेदवार अर्ज करु शकतात.
२१ ते ३५ वयोगटातील उमेदवार या नोकरीसाठी अर्ज करु शकतात. या नोकरीसाठी निवड झालेल्या उमेदवारांना ४८,४८० रुपये ते ९३,९६० रुपये पगार मिळणार आहे. या नोकरीसाठी अर्जप्रक्रिया १४ सप्टेंबर २०२४ पासून सुरु झाली आहे.तुम्ही www.sbi.co.in या वेबसाइटवर जाऊन अर्ज करु शकतात. (State Bank Of India Recruitment)
सध्या बृहन्मुंबई महानगरपालिकेतदेखील भरती सुरु आहे. ग्रुप सी इन्स्पेक्टर पदासाठी ही भरती जाहीर करण्यात आली आहे. या पदासाठी उमेदवारांना ९२००० रुपये वेतन मिळणार आहे. त्यामुळे इच्छुक उमेदवार या नोकरीसाठीही अर्ज करु शकतात.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.