BMC Recruitment: बृहन्मुंबई महानगरपालिकेत नोकरीची सुवर्णसंधी; तब्बल ९२००० रुपये मिळणार पगार; जाणून घ्या अर्जप्रक्रिया

सरकारी नोकरीच्या शोधात असणाऱ्या तरुणांसाठी आनंदाची बातमी आहे. बृहन्मुंबई महानगरपालिकेत सध्या विविध पदांसाठी भरती सुरु आहे. महानगरपालिकेत कारनिर्धारण व संकलन खात्यात निरीक्षक गट सी म्हणजे ग्रेट सी इन्स्पेक्टर पदासाठी भरती सुरु आहे. या नोकरीसाठी ऑनलाइन पद्धतीने अर्ज करता येणार आहे.

बृहन्मुमुंबई महानगरपालिकेत नोकरी करण्याची अनेकांची इच्छा असते. सरकारी नोकरी, चांगला पगाराची नोकरी ही सर्वांनाच करायची असते. जर तुम्हालाही सरकारी नोकरी करायच असेल तर तुम्ही महानगरपालिकेत अर्ज करु शकतात. या नोकरीसाठी अर्ज करण्याची शेवटची तारीख १९ ऑक्टोबर २०२४ आहे.

बृहन्मुंबई महानगरपालिकेत १७८ रिक्त पदांसाठी ही भरती जाहीर करण्यात आली आहे. इन्स्पेक्टर ग्रुप सी पदासाठी ही भरती होणार आहे. या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून किंवा संस्थेतून पदवीधर असणे गरजेचे आहे. याबाबत सर्व माहिती अधिकृत वेबसाइटवर देण्यात आली आहे.

बृहन्मुंबई महानगरपालिकेतील या नोकरीसाठी अर्ज करताना तुम्हाला १००० रुपये अर्ज फी भरावी लागणार आहे. राखीव प्रवर्गातील उमेदवारांना ९०० रुपये फी असणार आहे. १८ ते ३८ वयोगटातील उमेदवार या नोकरीसाठी अर्ज करु शकतात.या नोकरीसाठी अर्जप्रक्रिया २० सप्टेंबर २०२४ पासून सुरु झाली आहे. अर्ज करण्याची शेवटची तारीख १९ ऑक्टोबर २०२४ आहे.या नोकरीसाठी अर्ज करणाऱ्या उमेदवाराला २९,२०० रुपये ते ९२,३०० रुपये मासिक वेतन दिले जाणार आहे. तुम्ही https://www.mcgm.gov.in/irj/portal/anonymous/qlrn या वेबसाइटवर जाऊन संपूर्ण जाहिरात वाचू शकता.