Bank Recruitment 2024: महाराष्ट्र को-ऑपरेटिव्ह बँकेत नोकरीची सुवर्णसंधी; अर्ज कोण करू शकतं, काय आहे प्रक्रिया? वाचा

बँकेत काम करण्याची इच्छा असणाऱ्या लोकांसाठी महत्त्वाची बातमी आहे. महाराष्ट्र्र स्टेट को-ऑपरेटिव्ह बँक लि. मध्ये भरती सुरु आहे. मुंबई आणि महाराष्ट्रातील सर्व जिल्हा मध्यवर्ती सहकारी बँकामध्ये ही नोकरीची संधी आहे. या नोकरीसाठी इच्छुक उमेदवारांनी अर्ज करावेत. यासाठी महाराष्ट्र स्टेट को-ऑपरेटिव्ह बँकेने जाहिरात प्रसिद्ध केली आहे.

महाराष्ट्र स्टेट को ऑपरेटिव्ह बँकद्वारे ही भरती घेण्यात येणार आहे. बँकेत विविध पदांसाठी भरती करण्यात येणार आहे. या भरतीसाठी ऑफलाइन पद्धतीने अर्ज मागवले आहे. २१ ते ३० वयोगटातील उमेदवार या नोकरीसाठी अर्ज करु शकतात.

सहकारी इंटर्न या पदासाठी ही भरती करण्यात येत आहे. एमबीए किंवा २ वर्षांचा पोस्ट ग्रॅज्युएट डिप्लोमा इन मॅनेजमेंट/ सहकारी व्यवस्थापन/ कृषी व्यवसाय व्यवस्थापन/ ग्रामीण विकास व्यवस्थापन या क्षेत्रात पदवी असलेले उमेदवार अर्ज करु शकणार आहेत. ३२ रिक्त पदे भरण्यात येणार आहे. ही भरती मुंबई शाखेसाठी करण्यात येत आहे.

या नोकरीसाठी इच्छुक असलेल्या उमेदवारांनी आपले अर्ज आणि कागदपत्रे HRD&M विभाग, महाराष्ट्र चेंबर ऑफ कॉमर्स लेन, फोर्ट. मुंबई येथे पाठवावेत. अर्ज पाठवण्याची शेवटची तारीख ३० जून आहे. त्याआधी अर्ज पाठवलेल्यात उमेदवारांना शॉर्ट लिस्ट केले जाणार आहे. याबाबत सर्व माहिती बँकेच्या अधिकृत वेबसाइटवर दिलेली आहे.