Government Job: परीक्षा न देताच सरकारी नोकरीची मोठी संधी; NMDC मध्ये शिकाऊ पदांसाठी भरती; जाणून घ्या सविस्तर

जर तुम्ही नोकरीच्या शोधात असाल तर तुमच्यासाठी आनंदाची बातमी आहे. तुम्ही परीक्षा न देताच सरकारी नोकरी मिळवू शकतात. नॅशनल मिनरल डेव्हलपमेंट कॉर्पोरेशन लिमिटेड मध्ये अनेक नोकरीच्या संधी उपलब्ध आहे. NMDC मध्ये शिकाऊ उमेदवारांची भरती सुरु आहे. ही भरती मुलाखतीच्या आधारे केली जाणार आहे. याबाबत रिक्त पदासाठी १४ जून २०२४ रोजी अधिसूचना प्रसिद्ध झाली आहे. यामध्ये वेगवेगळ्या पदासाठी नोकरीची संधी आहे.

NMDC Limited मध्ये १ जुलैपासून पदवीधर शिकाऊ, तंत्रज्ञ यांसाठी नोकरीची संधी आहे. या उमेदवारांसाठी १ जुलैपासून मुलाखतीचे आयोजन केले जाईल. यामध्ये ट्रेड अपरेंटिस, स्नातक अपरेंटिस आणि तंत्रज्ञ अपरेंटिससाठी रिक्त पदे आहे.

ITI शिकाउ उमेदवारांसाठी अर्ज करणाऱ्या उमेदवाराकडे NVCT/SCVT द्वारे मान्यताप्राप्त आयआयटीचे प्रमाणपत्र असणे गरजेचे आहे. तर ग्रॅज्युएच अप्रेंटिसशिपसाठी उमेदवारांनी मान्यताप्राप्त विद्यापीठ/ अभियांत्रिकी आणि तंत्रज्ञानातील पदवी असणे गरजेचे आहे. याशिवाय टेक्निशियम डिप्लोमा अप्रेंटिसशिपसाठी उमेवाराकडे सरकारी मान्यताप्राप्त विद्यापीठ किंवा संस्थेचे प्रमाणपत्र असणे गरजेचे आहे.

या नोकरीसाठी उमेदवारांची निवड मुलाखतीच्या आधारावर केली जाणार आहे. यासाठी उमेदवारांना NAOS पोर्टलवर स्वतः ला रजिस्टर करावे लागेल. यासाठी त्यांना www.apprenticeshipindia.gov.in साइटवर जाऊन अर्ज करावा लागेल. या नोकरीसाठी अर्जदारांना किमान १ वर्षांचा अनुभव असणे गरजेचे आहे. या पदांसाठी उमेदवाराचे वय किमान १६ वर्ष असावे.