National Housing Bank Recruitment: राष्ट्रीय गृहनिर्माण बँकेत ४८ पदांसाठी भरती; अर्ज कुठे अन् कसा कराल? जाणून घ्या सविस्तर माहिती

राष्ट्रीय गृहनिर्माण बँकेत भरती जाहीर केली आहे. नोकरीच्या शोधात असणाऱ्या तरुणांसाठी ही मोठी संधी आहे. जर तुम्हालाही बँकेत किंवा फायनान्स क्षेत्रात काम करायचे असेल तर तुम्ही या नोकरीसाठी अर्ज करु शकतात. नॅशनल हाउसिंग बँकेने भरतीची अधिसूचना जारी केली आहे. त्यानुसार बँकेत भरती केली जाणार आहे. या भरतीसाठी २९ जूनपासून अर्ज भरण्यास सुरुवात होणार आहे.

या भरती मोहिमेत वेगवेगळ्या पदांसाठी भरती करण्यात येणार आहे. यामध्ये महाव्यवस्थापक (Senior Administrator), उपमहाव्यवस्थापक, मुख्य अर्थतज्ज्ञ (Chief Economist) अशा अनेक पदांसाठी रिक्त जागा आहेत. त्यामुळे जर तुम्हाला या क्षेत्रात काम करण्याची इच्छा असेल तर अर्ज करा.

बँकेने जारी केलेल्या अधिसूचनेनुसार, भरती मोहिमेत २३ नियमित पदे आणि २५ कंत्राटी पदे भरण्यात येणार आहे. याबाबत अधिक माहिती नॅशनल हाउसिंग बँकेने आपल्या अधिकृत वेबसाइटवर दिली आहे.

या भरतीमध्ये अर्ज करण्यासाठी तुम्हाला nhb.org.in वेबसाइटला भेट द्यावी लागेल. यानंतर होमपेजवर क्लिक करुन भरतीवर क्लिक करा. यानंतर तुमची सर्व माहिती भरुन अर्ज सबमित करा. यानंतर तुमचे कागदपत्रे अपलोड करा. या अर्जाची तुम्ही प्रिंट काढू शकतात. या भरतीसाठी अर्ज करण्याची शेवटची तारीख १९ जुलै २०२४ आहे.