YouTuber Dhruv Rathee: यूट्युबर ध्रुव राठींची 20 तासांनंतर सुटका; राठींचा पोलिसांवर गंभीर आरोप

CJPच्या प्रमुख नेत्यांसह प्रसिद्ध युट्युबर ध्रुव राठींनाही शनिवारी सकाळी पोलिसांनी घरातून अटक केली. गुरुग्राममधील घरातून ताब्यात घेतल्यानंतर ध्रुव राठींना अज्ञातस्थळी ठेवण्यात आलं. मात्र, तब्बल 20 तासांनंतर पोलिसांनी युट्युबर ध्रुव राठींची शनिवारी रात्री उशिरा सुटका केली. मात्र, या सुटकेनंतर ध्रुव राठींनी एक व्हिडिओ पोस्ट केला असून पोलिसांवर गंभीर आरोप केलाय. पोलिसांनी ताब्यात नव्हे तर घरात घुसून अपहरण केल्याचा दावा ध्रुव राठींनी केलाय.

विशेष म्हणजे शनिवारी कोणत्याही आंदोलनात किंवा मोर्चात सहभागी नसतानाही पोलिसांनी थेट घरात घुसून कारवाई का केली असा सवालही राठींनी उपस्थि केलाय. ध्रुव राठींवर परदेशी नागरिक असल्याचा आरोप करण्यात येतोय. त्यामुळे त्यांना भारतात आंदोलन करण्याचा अधिकार नसल्याची टीका होतेय. मात्र या आरोपांनाही ध्रुव राठींना प्रत्युत्तर दिलंय.

ध्रुव राठींची सुटका केल्यानंतर त्यांना पोलिसांनी आंदोलनाला न जाण्याच्या सूचना केल्यात. खरंतर, ध्रुव राठी बंगळुरुतील आंदोलनासाठी जर्मनीतून भारतात दाखल झाले होते. मात्र, दिल्लीतल्या आंदोलनात सहभागी होण्याआधीच राठींवर पोलिसांच्या कारवाईनं आश्चर्य व्यक्त करण्यात येतंय.