१७ जून २०२४
पश्चिम बंगालमधून एक मोठी दुर्घटना समोर आली आहे. पश्चिम बंगालमधील दार्जिलिंग जिल्ह्यात कांचनजंगा एक्स्प्रेस आणि मालगाडीमध्ये समोरासमोर धडक झाली. या भयंकर अपघातात आत्तापर्यंत ५ जणांचा मृत्यू झाला असून अनेक जण जखमी झालेत. या भयंकर अपघाताचा व्हिडिओ सध्या समोर आला आहे.
याबाबत सविस्तर माहिती अशी की, पश्चिम बंगालमधील दार्जिलिंग जिल्ह्यात कांचनजंगा एक्स्प्रेस आणि मालगाडीमध्ये धडक झाली. सिलीगुडीमधील जलपाईगुडी स्थानकातून वेळेवर सुटल्यानंतर रंगपाणी आणि निजबारी स्थानकांदरम्यान कांचनजंगा एक्स्प्रेस या पॅसेंजर ट्रेनला अपघात झाला. एका मालगाडीने कांचनजंगा एक्सप्रेसला मागून धडक दिल्याचे सांगण्यात येत आहे.
या धडकेनंतर कांचनजंगा पॅसेंजर ट्रेनचे दोन डबे रुळावरून घसरले. या दुर्घटनेत आत्तापर्यंत ५ जणांचा मृत्यू झाला असून अनेक जण जखमी झाले आहेत. तसेच दुर्घटनेतील मृतांचा आकडाही वाढण्याची शक्यता वर्तवली जात आहे. या अपघाताची माहिती मिळताच मुख्यमंत्री ममता बॅनर्जी यांनी शोक व्यक्त केला आहे. तसेच अपघातस्थळी सर्वतोपरी मदत करण्याचे आदेश दिले आहेत.
या भयंकर दुर्घटना स्थळीचा व्हिडिओ सध्या समोर आला आहे. ज्यामध्ये मालगाडी थेट पॅसेंजर ट्रेनमध्ये घुसल्याचे दिसत आहे. या अपघातानंतर NDRF, SDRF टीम आणि 15 रुग्णवाहिका घटनास्थळी दाखल झाल्या आहेत. सध्या बचावकार्य सुरू असून रेल्वे मंत्री अश्विनी वैष्णव वॉर रूम मधून घटनेची माहिती घेत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.