नवरा लटकलेला, तर पत्नी अन् ३ मुलांचे मृतदेह खाटेवर; हृदयाचा थरकाप उडवणारी घटना

family death case husband hanging wife kids dead full details : शुक्रवारी सकाळी उत्तर प्रदेशमध्ये हृदयाचा थरकाप उडवणारी घटना घडली आहे. घरात एकाच कुटुंबातील पाच जणांचे मृतदेह आढळले आहे. श्रावस्तीमधील लियाकत गावात ही खळबळजनक घटना घडली. नवऱ्याचा मृतदेह फासावर लटकलेला आढळला, तर पत्नी अन् ३ मुलांचा मृतदेह घरातील बाजेवर दिसला. या घटनेची माहिती मिळताच परिसरात खळबळ उडाली. या घटनेची माहती मिळताच पोलिसांनी घटनास्थळी धाव घेतली.

लियाकतमध्ये ही घटना समोर येताच एकच शोककळा पसरली. पोलिसांनी घटनास्थळावर धाव घेतली. पंचनामा करत मृतदेह पोस्टमार्टमसाठी पाठवण्यात आले आहेत. हत्या आहे की आत्महत्या? याचा तपास पोलिसांकडून करण्यात येत आहे. कुटुंबाने टोकाचे पाऊल का उचलले? याची चर्चा गावात सुरू आहे. पोलिसांकडून मृत कुटुंबियांच्या शेजाऱ्यांसोबत चौकशी करण्यात आली आहे. अद्याप पोलिसांना या घटनेचं मूळ कारण समजलेले नाही. पोलिसांनी या घटनेची नोंद केली आहे.

स्थानिकांनी पोलिसांना की, मृत कुटुंबियांचे घराचा दरवाजा आतून बंध होता, त्यामुळे ही परिस्थिती आणखीच संशयास्पद झाली. पाहुण्यांनी आणि शेजाऱ्यांनी दरवाजा तोडला. पण आतील दृश्य पाहिल्यानंतर सर्वांच्याच पायाखालील जमीन सरकली. नवऱ्याचा मृतदेह लटकलेला दिसला तर बायको आणि तीन मुलांचे मृतदेह बेडवर आढळून आले. शेजाऱ्यांनी तात्काळ पोलिसांना घटनेची माहिती दिली. या घटनेनंतर लियाकतमध्ये एकच शोककळा पसरली.

लियाकतमधील शमसुल हक यांचा मुलगा रोज अली (३२) याचा मृतदेह बंद खोलीत फासावर लटकलेला आढळला. त्याच्यासोबत त्याची पत्नी शहनाज (३०), मुलगी तबस्सुम (६), मुईन अली (१.५ वर्ष), आणि गुलनाज (४) यांचे मृतदेह घरात खाटेवर पडलेले आढळले. दरवाजा आतून बंद होता. संशयावरून दरवाजा तोडला असता सर्वांचे मृतदेह आत आढळले. घटनेची माहिती पोलिसांना देण्यात आली. घटनास्थळी पोहोचताच पोलिसांनी पंचनामा तयार केला आणि मृतदेह पोस्टमार्टमसाठी पाठवले. दरम्यान, फॉरेन्सिक पथकाने घटनास्थळावरून पुरावे गोळा केले. पोलिस या प्रकरणाचा सखोल तपास करत आहेत. पोलिसांना अद्याप मृत्यूचे कारण स्पष्ट झालेले नाही.