Ram Temple: राममंदिर चोरीविरोधात साधू-संत रस्त्यावर; पंतप्रधान निवासस्थानाकडे साधू करणार आंदोलन

गेल्या काही दिवसात राममंदिरातील दानचोरी प्रकरणानं देशातील हजारो हिंदू बांधवांमध्ये रोष पाहायला मिळतोय. अशातच राममंदिरातील या चोरीची निष्पक्ष चौकशी व्हावी, या मागणीसाठी 500 संत आणि सांधूंनी थेट पंतप्रधान निवासस्थानाकडे मोर्चा काढला. यावेळी पंतप्रधानांना मागण्याचं निवेदन सोपवणारं असल्याचं सांगत साधूंनी आक्रमक पवित्रा घेतला.

मात्र पंतप्रधान निवासस्थानाकडे जाण्यास पोलिसांनी साधू संताना रोखल्यानं ते थेट रस्त्यावरच झोपले. अनेक जण रस्त्यावरच बसले. मुळात राममंदिरातील दानचोरीमुळे सनातन धर्माची बदनामी झाल्याचा आरोप करत साधूंनी थेट सीबीआय चौकशीची मागणी केलीय.इतकचं नव्हे तर याप्रकरणाची सीबीआय चौकशी केली नाही तर चित्रकुट ते अयोध्येपर्यंत चंदाचोरी ते से आस्था बचाव यात्रा काढण्याचा इशारा दिलाय.

एकीकडे राम मंदिरातील दानचोरी प्रकरणाची SIT चौकशी सुरु आहे. अशातच दोन महिने होऊनही याप्रकरणातील बडा मासा यंत्रणांच्या हाती लागलेला नाही..त्यामुळे आता याप्रकरणाची सीबीआय चौकशीची मागणी थेट साधू संतांनी केलीय. आधीच विरोधकांनी संसदेत राम मंदिर चोरीचा मुद्दा तापवलेले असताना दुसरीकडे साधू संतांनीच याविरोधात आवाज उठवल्यानं राममंदिराचा मुद्दा पुन्हा एकदा तापणार, हे निश्चित.