Manipur Violence: मणिपूरमध्ये पुन्हा हिंसाचार; लष्कर आणि कुकी दहशतवाद्यांमध्ये २ तासांची चकमक, ७५ महिलांची सुटका

मणिपूरमध्ये मैतेई आणि कुकी समुदायांमध्ये सध्या तणावाची स्थिती आहे. यादरम्यान एक मोठी अपडेट समोर येत आहे. लष्कर आणि आसाम रायफल्सची शुक्रवारी रात्री (१७ मे) दोन तास चकमक झाली. यावेळी कुकी अतिरेक्यांकडून ७५ मैतेई महिलांची सुटका करण्यात आली आहे. कांगपोकपी जिल्ह्याच्या पायथ्याला असललेल्या बिष्णुपूर जिल्ह्यातील वारियोसिंग भागातील या महिल्या होत्या. रात्री या भागातून मैतेई महिलांचे कुकी दहशतवाद्यांनी अपहरण केलं होतं.

आसाम रायफल्सने सोशल मीडियावर एक फोटो पोस्ट केला आहे. यामध्ये दोन सैनिक संशयित दहशतवाद्यांवर गोळीबार करताना (75 Women Rescued From Kuki Militants) दिसत आहेत. या गोळीबारात मृत्यूच्या तावडीतून सुटलेल्या महिलांनी आसाम रायफल्स आणि लष्कराचे आभार मानल्याची माहिती हिंदुस्थान टाईम्सच्या हवाल्यानुसार मिळत आहे.

मणिपूरमध्ये काही सशस्त्र हल्लेखोरांनी नागरिकांवर गोळीबार केला. त्यानंतर भारतीय लष्कराच्या जवानांनी जोरदार प्रत्युत्तर (Manipur Violence) दिलं. तेव्हा मणिपूरमध्ये भीषण गोळीबार झाला होता. भारतीय लष्कर आणि आसाम रायफल्सच्या सुमारे दोन तासांच्या चकमकीनंतर ७५ मैतेई महिलांना वाचवण्यात यश आलं आहे. मे २०२३ पासुन कुकी आणि मैतेई समुदायांमध्ये वांशिक (Manipur Violence Update) हिंसाचार सुरू आहे. तेव्हापासून आतापर्यंत २२० हून अधिक लोक मारले गेल्याची माहिती मिळत आहे.

आसाम रायफल्सने दोन सैनिक संशयित दहशतवाद्यांवर गोळीबार करत असल्याचा फोटो शेअर केला आहे. कॅप्शनमध्ये लिहिलंय (Manipur Violence News) की, “सेना आणि आसाम रायफल्सने दहशतवाद्यांच्या सशस्त्र हल्ल्यातून गावकऱ्यांची सुरक्षितपणे सुटका केली. भारतीय लष्कर आणि आसाम रायफल्स मणिपूरमध्ये सामान्य स्थिती आणण्याच्या आणि कायदा आणि सुव्यवस्था राखण्याच्या संकल्पावर ठाम आहेत. मणिपूरमध्ये तणाव कायम आहे.