राज्यसभा निवडणुकीत सत्ताधाऱ्यांचा बोलबाला; भाजपने मध्य प्रदेश- गुजरातमधील सर्व जागा जिंकल्या, काँग्रेसने कुठे किती जिंकल्या?

सुप्रीम कोर्टाच्या निकालानंतर मध्य प्रदेशातील राज्यसभा निवडणूक बिनविरोध झाली. काँग्रेस उमेदवार मिनाक्षी नटराजन यांचा अर्ज हा निवडणूक अधिकाऱ्यांनी फेटाळल्यानंतर राज्यसभेच्या तिसऱ्या जागेची लढत संपुष्टात आली. त्यामुळे मध्य प्रदेशातील तीन जागांवर भाजपनेच बाजी मारली. गुजरातमधील राज्यसभेच्या ४ जागा भाजपने जिंकलया. तर काँग्रेसने राजस्थानमधील एकमेव जागा जिंकली.

अर्ज प्रक्रियेदरम्यान भाजपने काँग्रेस उमेदवारावर दाखल गुन्हे लपवल्याचा आरोप केला. भाजपच्या आक्षेपानंतर काँग्रेस उमेदवार मिनाक्षी नटराजन यांचा अर्ज फेटाळण्यात आला. त्यानंतर भाजपचे उमेदवार तरुण चुघ, रजनीश अग्रवाल आणि महेश केवट हे बिनविरोध निवडून आले. मिळालेल्या माहितीनुसार, भाजपच्या तिन्ही उमेदवारांनी विजयाचं प्रमाणपत्र घेऊन राज्यसभेत पोहोचले.

मिनाक्षी नटराजन यांनी निवडणूक अधिकाऱ्याच्या अर्ज रद्द करण्याच्याविरोधात सुप्रीम कोर्टात धाव घेतली. यानंतर सुप्रीम कोर्टाचे न्यायाधीश प्रशांत कुमार आणि न्यायाधीश अतुल एस चंदूरकर यांच्या खंडपीठासमोर सुनावणी झाली. त्यावेळी सुप्रीम कोर्टाच्या खंडपीठाने एका आदेशाचा हवाला देत कोर्टाने निवडणूक प्रक्रियेत हस्तक्षेप करू नसल्याचे म्हटलं आहे.

मिनाक्षी यांचे वकील अभिषेक मनु सिंघवी यांनी युक्तिवाद कोर्टात म्हटलं की, कोर्टाने निवडणूक होऊ द्यावी. तसेच तुमचा आदेश निकाल जाहीर करण्यापुरता मर्यादित ठेवण्यात यावा. परंतु कोर्टाने सिंघवी यांचा युक्तिवादही फेटाळून लावला'.

राजस्थान- गुजरातच्या राज्यसभा निवडणुकीत भाजपची बाजी

गुजरातमध्ये राज्यसभेच्या चार जागांवर भाजपचे चारही उमेदवार बिनविरोध निवडून आले. या निवडणुकीत राजू शुक्ला, मानसिंग परमार, मुकेश रथवा आणि जितेंद्र कांजरिया हे विजयी झाले. राजस्थानमधील राज्यसभा निवडणूक बिनविरोध झाली. दोन जागांवर भाजपचे सतिश पुनिया आणि अलका गुर्जर यांनी बाजी मारली. तर काँग्रेसचे नीरज डांगी यांनी एक जागा जिंकली.