राज्यसभा निवडणुकीत काँग्रेसला मोठा धक्का; उमेदवाराचा अर्ज रद्द, भाजप नेत्याच्या विजयाचा मार्ग सोपा?

मध्य प्रदेशच्या राज्यसभा निवडणुकीत काँग्रेसला मोठा धक्का बसला आहे. काँग्रेसच्या राज्यसभा उमेदवार मिनाक्षी नटराजन यांचा अर्ज छाननीत रद्द करण्यात आला आहे. यामुळे मध्य प्रदेशातील राज्यसभेच्या तिसऱ्या जागेची लढत संपल्यात जमा आहे. विरोधी पक्षाच्या उमेदवारी अर्ज रद्द झाल्याने भाजप उमेदवार महेश केवट यांची बिनविरोध निवड होणे निश्चित मानली जात आहे.