Madhya Pradesh: बिअर पिणं बेतलं जीवावर! दोन SAF जवानांचा मृत्यू; पोलिसांचा तपास सुरु

मध्यप्रदेशच्या छिंदवादा येथे एक धक्कादायक घटना घडली आहे. मध्यप्रदेशमध्ये बिअर पिऊन विषबाधा झाल्याने विशेष सशस्त्र दलाच्या (SAF) दोन जवानांचा मृत्यू झाला आहे. रविवारी मध्यप्रदेशमध्ये ही घटना घडली आहे.

कॉन्स्टेबल हेड धनीरक उईके (वय ५५) आणि कॉन्स्टेबल प्रेमलाल काकोडिया (५४) असे मृत जवानांचे नाव आहे. कॉन्स्टेबल प्रेमलाल हे रात्री एसएएफ युनिट कमांडर यांच्या बंगल्यावर पहारा देत होते. तेव्हा त्यांनी बिअर प्यायली आणि त्यानंतर त्यांचा दुर्दैवी मृत्यू झाला.

मिळालेल्या माहितीनुसार, धनीराम यांच्या स्कूटरमध्ये दोन बिअरचे कॅन, दोन ग्लास आणि एक पावडर असलेले पाकिट सापडले. धनीराम आणि प्रेमलाल यांनी बिअर प्यायली. त्यानंतर धनीराम घरी जाण्यासाठी निघाले आणि प्रेमलाल यांनी पुन्हा आपली ड्युटी सुरु केली. धनीराम घरी जात असताना अचानक त्यांची तब्येत बिघडली. रुग्णालयात नेण्याआधीच धनीरामचा मृत्यू झाला. तर प्रेमलाल हे आजारी पडले.त्यांना रुग्णालयात दाखल केले. त्यांना रविवारी पहाटे ५ वाजता शुद्ध आली. त्यावेळी त्यांनी घडलेल्या घटनेची माहिती दिली.

प्रेमलाल यानी सांगितले की, 'धनीराम यांनी रात्री ९ वाजता बिअर आणली होती. आम्ही दोघांनी बंगल्याच्या बाहेर बिअर प्यायली. तिथे तिसरी कोणतीच व्यक्ती उपस्थित नव्हती'.

पोलिसांनी या घटनेचा तपास सुरु केला आहे. पोलिसांनी दिलेल्या माहितीनुसार, जवानांची प्यायलेल्या बिअरमध्ये त्यांच्यापैकी कोणीतरी विषारी पदार्थ मिसळला असेल, या विषारी पदार्थांमुळेच त्यांचा मृत्यू झाला असेल. आम्ही त्या बिअरमधील सॅम्प्ल्स फॉरेन्सिक टेस्टसाठी पाठवले आहे, असे एसपी यांनी सांगितले.