US Iran conflict : अमेरिकेविरोधात इस्लामिक राष्ट्रे एकवटली, इफ्तार पार्टीत ट्रम्प यांना इशारा

US Middle East policy update : इराणवर अमेरिकेकडून होणाऱ्या हल्ल्यामुळे आता इस्लामिक राष्ट्र एकत्र आलेत... अमेरिकेविरोधात इस्लामिक राष्ट्रांनी नेमकी काय भूमिका घेतलीय? अमेरिकेची दादागिरी मोडण्यासाठी काय प्लॅन आखण्यात आलाय? पाहूयात या रिपोर्टमधून...

मध्य पूर्वेतील रणसंग्राम आता निर्णायक वळणावर पोहचलाय. अमेरिकेची दादागिरी मोडून काढण्यासाठी इस्लामिक जगताने अमेरिकेविरोधात शड्डू ठोकलाय. खामेनींच्या हत्येनंतर तुर्कीचे राष्ट्राध्यक्ष एर्दोगान यांनी अंकारा येथील इफ्तार पार्टीत अमेरिकेला थेट इशारा देत. इस्लामिक राष्ट्रांना अमेरिकेविरोधात एकत्र येण्याचं आवाहन केलयं...

तुर्की इराणवरील हल्ल्याचा निषेध करते

अमेरिकेचा इराणवरील हल्ला हा आंतरराष्ट्रीय कायद्याचे स्पष्ट उल्लंघन

इराणवरील हल्ले थांबवले नाही तर त्यांचे प्रादेशिक आणि जागतिक सुरक्षेवर गंभीर परिणाम होतील

तुर्की शांततेच्या बाजूने ठाम उभे असून आम्हाला कायमस्वरुपी शांतता हवी आहे

इस्रायली पंतप्रधान बेंजामिन नेतान्याहू यांची प्रक्षोभक कृती युद्धाला जबाबदार

आखातातील युद्ध थांबवण्यासाठी इस्लामिक राष्ट्रांनी एकत्र यावे

दुसरीकडे इराणला पाठिंबा दिला म्हणून आमच्या देशात तख्तापालट करण्याचं षडयंत्र रचलं जातयं, असा दावा मलेशियाचे पंतप्रधान अनवर इब्राहीम यांनी केलाय...

अमेरिका आणि इस्रायलकडून इराणवर वारंवार हल्ले होत असताना स्पेननेही अमेरिकेला इशारा दिलाय... 15 अमेरिकन विमान परत देत इराणवरील हल्ल्याविरोधात स्पेनने कठोर भूमिका घेतलीय. त्यामुळे एकीकडे इस्लामिक राष्ट्रांसह अमेरिकेविरोधात भविष्यात आणखी किती देश एकवटतात याकडे जगाचं लक्ष लागलयं...