३० रणरागिणींनी चालवलं फायटर जेट; इराणच्या लष्करी तळांची केली राखरांगोळी, व्हिडिओ पाहा

शत्रूचे कंबरडे मोडणाऱ्या इस्रायलच्या ऑपरेशन रोअरिंग लायन मेहिमेत सुमारे 30 महिला वैमानिकांचा सिंहाचा वाटा आहे. इराणच्या लष्करी तळांना लक्ष्य करण्यासाठी इस्रायलने सुरू केलेल्या मोहिमेत इस्रायली हवाई दलाच्या महिला रणरागिणींनी ताकद दाखवून दिलीये. इस्रायली हवाई दलाच्या इतिहासात इतक्या मोठ्या संख्येने महिला वैमानिकांनी मोहिमेचे नेतृत्व करण्याची ही पहिलीच वेळ मानली जातेय.

इराणच्या विविध लष्करी तळांना लक्ष्य करण्यासाठी इस्रायलने आपल्या अत्याधुनिक लढाऊ विमानांचा ताफा पाठवला होता. या ताफ्याचे नेतृत्व आणि प्रत्यक्ष हल्ल्याची जबाबदारी महिला रणरागिणींनी समर्थपणे पेलली. अत्यंत प्रतिकूल परिस्थितीत आणि शत्रूच्या रडार यंत्रणेला चकवा देत या महिला वैमानिकांनी इराणच्या संरक्षण व्यवस्थेला खिंडार पाडले.