दिल्लीतील हवा आजही अतिशय खराब आहे. दिल्ली, नोएडा आणि आजूबाजूच्या परिसरातील हवा दुषित दिसत आहे. सर्वात खराब हवा आनंद विहारमध्ये असल्याचं दिसून आलं आहे. आनंद विहारचा हवेचा AQI 499 वर गेला आहे. इंडिया गेट आजचा AQI 492 वर आहे.
काल सुप्रीम कोर्टात झालेल्या सुनावणीवेळी कोर्टाने प्रदूषण कमी करण्यासाठी काय उपाययोजना करत आहात असा सवाल राज्यांना विचारला होता. तात्काळ पराळी जाळणे बंद करण्याचे निर्देशही कोर्टाने दिले होते.
दिल्लीतील ढासळलेल्या हवेच्या गुणवत्तेमुळे नागरिकांना श्वसनाच्या समस्यादेखील जाणवत आहेत. खराब हवेमुळे नागरिकांना श्वास घेणेही मुश्कील बनले आहे. त्यामुळे नागरिकांना योग्य ती खबरदारी बाळगण्याचं आवाहन देखील नागरिकांना प्रशासनाकडून केलं जात आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
इंडियन इन्स्टिटय़ूट ऑफ ट्रॉपिकल मेटिऑरॉलॉजीच्या म्हणण्यानुसार, मंगळवारी दिल्लीतील मुख्य पृष्ठभागावरील वारे दक्षिण-पश्चिम आणि ईशान्य दिशांकडून ताशी चार ते आठ किमी वेगाने वाहत होते. दिवसा ऊन आणि रात्रीच्या तापमानात सुमारे 1.5 अंश सेल्सिअसने वाढ झाली. वाऱ्याची दिशा आणि अनुकूल हवामान बदलून प्रदूषणात थोडीशी सुधारणा नोंदवण्यात आली. (Latest News)
केंद्रीय प्रदूषण नियंत्रण मंडळाच्या म्हणण्यानुसार, मंगळवारी संध्याकाळी दिल्लीतील अर्ध्याहून अधिक केंद्रांमध्ये प्रदूषणाची पातळी 400 च्या वर गेली. आनंद विहारमध्ये सर्वाधिक AQI नोंदवला गेला.
शादीपूर, RK पुरम, पंजाबी बाग, मथुरा रोड, IGI विमानतळ, नेहरू नगर, द्वारका सेक्टर 8, पटपरगंज, डॉ. करण सिंग शूटिंग रेंज, जहांगीरपुरी, रोहिणी, विवेक विहार, नरेला, ओखला, मुदंका, आनंद विहार येथे AQI 400 पेक्षा जास्त नोंदवला गेला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.