Afghanistan Blast: काबूलमध्ये मिनी बसमध्ये भीषण स्फोट, ७ जणांचा मृत्यू

Afghanistan Blast:

अफगाणिस्तानची राजधनी काबूलमध्ये शिया जमातीचे लोक असलेल्या भागात एक मिनी बसमध्ये स्फोट झाला. या दुर्घटनेत ७ जणांचा मृत्यू झालाय तर २० जण जखमी झाले आहेत. काबुल शहराच्या पश्चिमेकडील दश्ती बर्ची भागात हा स्फोट झाल्याची माहिती पोलीस प्रवक्ते खालिद झदरन यांनी ही माहिती दिली. याविषयीचे वृत्त इंडिया टीव्हीने दिले आहे. (Latest News)

स्फोटाचे कारण अद्याप समजले नसून पोलिसांनी तपास सुरू केलाय. या हल्ल्याची जबाबदारी अद्याप कोणीही स्वीकारलेली नाही, परंतु इस्लामिक स्टेट गटाशी संबंधित संघटनांनी यापूर्वी या भागातील शिया समाजाच्या शाळा, रुग्णालये आणि मशिदींना लक्ष्य केलंय, असं झदरन म्हणाले. दरम्यान घटनास्थळी लष्कर दाखल झाले असून त्या परिसराची तपासणी करत आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काबूलच्या दश्त-ए-बर्ची भागात नागरी प्रवाशांना घेऊन जाणाऱ्या बसमध्ये हा स्फोट झाला, दुर्दैवाने आमचे ७ नागरीक मृत पावलेत आणि २० जण जखमी झाले, असल्याची पोस्ट खालिद झदरन यांनी सोशल मीडिया साइटवर केलीय. दरम्यान ऑक्टोबर महिन्यातही याच भागात स्फोट झाला होता. त्यावेळी स्पोर्ट्स क्लबमध्ये स्फोट झाला होता.

या हल्लाची जबाबदारी इस्लामिक स्टेट या संघटनेने घेतली होती. त्या स्फोटात ४ जणांचा मृत्यू झाला होता आणि ७ जखमी झाले होते. ऑगस्ट २०२१ मध्ये यूएस-समर्थित सरकारची हकालपट्टी करून सत्ता काबीज केल्यानंतर तालिबानने त्यांचे बंड संपवले तेव्हापासून बॉम्बस्फोट आणि आत्मघाती हल्ल्यांच्या संख्येत लक्षणीय घट झालीय. दरम्यान अजून असे काही दहशतवादी संघटना आणि गट आहेत जे अजूनही तालिबानसाठी धोका आहेत.