WATCH Video: नितीश कुमारांचं भर विधानसभेत वादग्रस्त विधान; सांगितला लोकसंख्येवर लगाम लावण्याचा विचित्र उपाय

CM Nitish Kumar over population control:

बिहारचे मुख्यमंत्री नितीश कुमार यांच्या सरकारने अलीकडे जातीनिहाय जनगणना केली. मुख्यमंत्री नितीश कुमार यांनी हे आकडे आज बिहार विधानसभेत सादर केले. आकडे सादर करताना त्यांनी लोकसंख्येवर लगाम लावण्यासाठी भर विधानसभेत उपाय सांगितला. नितीश कुमार या भाषणामुळे वादात सापडले आहेत. भाजपकडून नितीश कुमार यांच्यावर टीका केली जातेय. तर सोशल मीडियावर अनेकांनी त्यांचे भाष्य मूर्ख आणि असभ्य असल्याचं म्हटलं जातेय.

महिलांमधील शिक्षणामुळे लोकसंख्या नियंत्रण होते, असं सांगताना त्यांनी नव विवाहित जोडप्यांमधील शारीरिक संबंधाचं कथन केलं. लोकसंख्या वाढीवर उपाय सांगताना त्यांनी केलेल्या मस्तराम कथेमुळे त्यांच्यावर चहुबाजूने टीका केली जात आहे.

काय म्हणाले नितीश कुमार?

चर्चेदरम्यान मुख्यमंत्री नितीश यांनी बिहारमध्ये महिलांच्या साक्षरतेचे प्रमाण सुधारल्याचे नमूद केलं. मुलींनी शिक्षण घेतल्यास लोकसंख्या नियंत्रणास हातभार लागेल, असे त्यांनी सांगितलं. जेव्हा एखादी स्त्री शिक्षित असते, तिला याची जाणीव असते. त्यामुळे ती आपल्या पतीला सांगू शकते की, शारीरिक संबंधाच्या शेवटी (इजॅक्युलेट). बाहेर करा,” बाकी तुम्ही समजून घ्या. याचमुळे लोकसंख्या कमी होत असल्याचं ते म्हणाले.

नितीश कुमार यांच्या वर्णन कथेवर अनेक आमदारांना हसू आलं तर अनेकांना धक्का बसला. मात्र यावरून भाजप त्यांच्यावर टीका केलीय. सोशल मीडियावरही त्यांच्यावर टीका केली जातेय. आपल्या भाषणाला पूर्ण करताना नितीश कुमार म्हणाले की, त्या गोष्टीमुळे लोकसंख्या कमी झालीय. आपल्या विधानाला त्यांनी काही आकडेवारीचा दाखला दिला. ते म्हणाले, यापूर्वी, एकूण प्रजनन दर (TFR) 4.3% होता तर गेल्या वर्षी आम्हाला अहवाल प्राप्त झालेल्या (TFR) हा 2.9% वर आला आहे," असं मुख्यमंत्री म्हणाले.

दरम्यान भाजपकडून टीका केली जाते. "भारतीय राजकारणात नितीश बाबूंसारखा स्पष्ट वर्तन कोणीही पाहिला नाही. नितीश बाबूंचे मन बी ग्रेड अॅडल्ट सिनेमांच्या मोहाने डागाळलेले दिसतंय. त्यांच्या दुटप्पी विधानांवर जाहीर निर्बंध असलं पाहिजे, असे दिसते अशी पोस्ट बिहार भाजपकडून करण्यात आलीय.