Bihar Election : निवडणुकीआधीच मुख्यमंत्र्यांची मोठी कारवाई; सत्ताधारी पक्षाने माजी मंत्र्यांसहित ११ आमदारांना केलं निलंबित

Bihar Election 2025 : बिहार विधानसभा निवडणुकीआधीच नीतीश कुमार यांच्या राष्ट्रीय जनता दलाने मोठी कारवाई केली आहे. पक्षविरोधी काम आणि शिस्तभंगाच्या कारणात्सव ११ आमदारांना पक्षातून निलंबित केलं आहे. यामध्ये माजी मंत्री, जमालपूरचे आमदार शैलेश कुमार यांच्या नावाचाही समावेश आहे.

बिहार विधानसभा निवडणुकीच्या पार्श्वभूमीवर जनता दल युनायडेटकडून पक्षविरोधी काम आणि शिस्तभंगाच्या आरोपाअंतर्गत काही नेत्यांना पक्षातून निलंबित करण्याचा निर्णय घेण्यात आला आहे. जनता दल युनायटेडने एक पत्र जारी करत याविषयी माहिती दिली. प्रदेश महासचिव चंदन कुमार सिंह यांनी हे पत्र जारी केलं आहे.

कोणाला पक्षातून निलंबित केलं?

शैलेश कुमार- माजी मंत्री, जमालपुर, मुंगेर

संजय प्रसाद, चकाई, जमुई

श्याम बहादुर सिंह, बडहरिया, सीवान

रणविजय सिंह, बड़हरा, भोजपुर

सुदर्शन कुमार, बरबीधा, शेखपुरा

अमर कुमार सिंह, साहेबपुर कमाल, बेगूसराय

डॉ. आसमा परवीन, महुआ, वैशाली

लब कुमार, नवीनगर, औरंगाबाद

आशा सुमन, कदवा, कटिहार.

दिव्यांशु भारद्वाज, मोतिहारी, पूर्वी चम्पारण.

विवेक शुक्ला, जिरादेई, सीवान

निलंबित केलेल्या नेत्यांनी पक्षाच्या विचारधारेविरुद्ध काम केलं, असं पक्षाकडून स्पष्ट करण्यात आलं आहे. त्यामुळे त्यांचं पक्षातील प्राथमिक सदस्यत्व रद्द करण्यात आल्याचं स्पष्ट करण्यात आलंय. या निर्णयामुळे पक्षात सुधारणा होतील. तसेच आगामी निवडणुकीत त्याचा सकारात्मक परिणाम पाहायला मिळेल, असंही पक्षाचं म्हणणं आहे.