भायखळ्यात इमारतीच्या पायाभरणीच्या कामादरम्यान मोठा अपघात
अचानक माती आणि मुरुम कोसळल्याने पाच कामगार दबले
दुर्घटनेत दोन कामगारांचा मृत्यू, तिघे गंभीर जखमी
या घटनेमुळे परिसरात खळबळ उडाली
संजय गडदे, साम टीव्ही
मुंबईच्या भायखळ्यात इमारत बांधकामदरम्यान मोठी दुर्घटना घडली. भायखळ्यात दुपारच्या सुमारास झालेल्या दुर्घटनेत दोन कामगारांचा दुर्दैवी मृत्यू झाला. तर तिघे जखमी झाले आहेत. या दुर्घटनेतील जखमींना तातडीने रुग्णालयात दाखल करण्यात आलं.
मिळालेल्या माहितीनुसार, मुंबईच्या भायखळा (पश्चिम) येथील हबीब मॅन्शन, हंस रोड परिसरात शनिवारी दुपारी पावणे तीनच्या सुमारास इमारतीच्या पायाभरणी आणि पायलिंगच्या कामादरम्यान गंभीर दुर्घटना घडली. काम सुरू असताना अचानक मोठ्या प्रमाणात माती आणि मुरूम ही काम करणाऱ्या कामगारांवर कोसळली.
माती आणि मुरुम बांधकाम करणाऱ्या पाच कामगारांवर कोसळल्याने एकच खळबळ उडाली. या घटनेत पाच कामगार जखमी झाले. दुर्घटनेत जखमी झालेल्यांना कामगारांना तातडीने उपचारासाठी नायर रुग्णालयात दाखल करण्यात आलं. मात्र, दोन रुग्णांना उपचारापूर्वीच मृत घोषित करण्यात आलं. तर तिघांवर रुग्णालयात उपचार सुरु आहेत.
नायर रुग्णालयाच्या डॉ. पूनम (AMO) यांनी दिलेल्या माहितीनुसार, एकूण पाच कामगारांना रुग्णालयात आणण्यात आलं. त्यापैकी दोन जणांना मृत घोषित करण्यात आले असून तीन मजूर जखमी आहेत. राहुल (30) , राजू (28) असे मृत झालेल्या कामगारांचे नाव आहे. सज्जाद अली (25), सोबत अली (28), लाल मोहम्मद (18) असे जखमी कामगारांचे नाव आहे.
दुर्घटनेत किती कामगारांचा मृत्यू झाला?
दोन कामगारांचा मृत्यू झाला. राहुल (30) आणि राजू (28) यांचा दुर्घटनेत मृत्यू झाला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.