Khandala Ghat : अंडा पॉईंटवर स्वारगेट अलिबाग बसला अपघात, प्रवासी सुखरुप

Maval News :

स्वारगेटहून अलिबागला निघालेल्या बसचा (swargate alibag bus accident news) आज (गुरुवार) सकाळी खंडाळा घाटात अंडा पॉईंट (Anda Point) येथे अपघात झाला. प्राथमिक माहितीनूसार चालकाचा बस वरील ताबा सुटल्याने बस रस्त्याच्या कडेला असलेल्या मातीच्या ढिगार्‍यावर गेली. सुदैवाने या अपघातात काेणतीही जिवीत हानी झालेली नाही. (Maharashtra News)

या अपघाताबाबत मिळालेली माहिती अशी : खंडाळा घाटात मुंबई पुणे राष्ट्रीय महामार्ग व द्रुतगती मार्ग यांचा सामाईक पॉईंट असलेल्या अंडा पॉईंट येथे चालकाचा बसवरील ताबा सुटला.

त्यामुळे बस रस्त्याच्या कडेला असलेल्या मातीच्या ढिगाऱ्यावर गेली. सुदैवाने बस पलटी झाली नाही अन्यथा मोठी हानी झाली असती. या अपघातात प्रवासी जखमी झालेले नाहीत. ही बस स्वारगेटहून अलिबागाला चालली हाेती.

तळेगावातील तळ्यात मुंबईच्या युवकाचा मृत्यू

तळेगाव दाभाडे येथील तळ्यात पोहण्यासाठी काही तरुण पाण्यात उतरले होते. पोहत असताना एका युवकाला पाण्याचा अंदाज आला नाही आणि त्यात ताे बुडाला. या घटनेची माहिती मिळताच मावळ वन्यजीव रक्षक संस्था, अग्निशमन दल यांनी युवकाचा शाेध घेतला. परंतु त्याचा मृतदेह हाती लागला.

पाेलीसांनी दिलेल्या माहितीनूसार आरमान अंकिलुर रहमान खान असे अठरा वर्षीय मृत तरुणाचे नाव आहे. ताे मुंबईतील रहिवासी आहे. अधिक तपास तळेगाव पोलिस करीत आहे.

Edited By : Siddharth Latkar