पुणे- बंगळुर राष्ट्रीय महामार्गावर (pune bangalore national highway) तासवडे टोलनाक (tasawade toll plaza) दरम्यान खासगी लक्झरी बसला भीषण आग (bus caught fire near karad) लागली हाेती. या बसचा टायर फुटल्यामुळे आग लागल्याचे प्रथमदर्शी निदर्शनास येत आहे. सुदैवाने या घटनेत काेणतीही जिवीतहानी झालेली नाही अशी माहिती पाेलीसांनी दिली. (Maharashtra News)
पाेलीसांनी दिलेल्या माहितीनूसार कोल्हापूरहून मुंबईच्या दिशेने निघालेली या बसला आज (गुरुवार) पहाटेच्या सुमारास आग लागली. या घटनेची माहिती कळताच घटनास्थळी तळबीड पोलीस तात्काळ मदतीसाठी दाखल झाले.
पाेलीसांनी बसमधील प्रवाशांना स्थानिक नागरिकांच्या मदतीने बाहेर काढले. त्यामुळे भेदरलेला प्रवाशांच्या जिवात जीव आला. आग लागलेल्या बसला विझविण्यासाठी अग्निशमन दलाच्या गाड्या घटनास्थळी पाेहचल्या.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
या घटनेत बस पूर्ण जळून खाक झालेली. या घटनेमुळे तासवडे टाेलनाका नजीकची वाहतुक काही काळ विस्कळीत झाली हाेती. तळबीड पाेलीस घटनेची चाैकशी करीत आहेत.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
